Senegambië en Niger
Senegambië en Niger was 'n kortstondige administratiewe eenheid van die Franse besittings in Afrika, gevorm in 1902 en geherorganiseer in 1904 in Bo-Senegal en Niger.
Ondanks die kort bestaan daarvan het die Franse regering wel daarin geslaag om posseëls vir die administratiewe eenheid te druk, in die vorm van 'n weergawe van die Navigasie en handel reeks, met die woorde "SENEGAMBIE / ET NIGER" daarop. Die stel het bestaan uit 13 waardes, van 1 centime tot 1 franc. Vir seëlversamelaars wissel pryse vandag tussen 1 US$ vir die lae waardes en tot 40 US$ vir die 1-franc seël.
