Shepherd Market

in Wikipedia, die vrye ensiklopedie
Jump to navigation Jump to search
Shepherd Market

Shepherd Market is 'n klein plein in Mayfair, 'n stadsbuurt van Sentraal-Londen, wat tussen Piccadilly en Curzon-straat geleë is. Die plein is tussen 1735 en 1746 deur Edward Shepherd op 'n oop terrein ontwikkel waar destyds in Mei 'n jaarmark gehou is. Na dié jaarmark - in Engels May fair genoem - is later die hele buurt vernoem.

Die plein het vandag steeds 'n eiesoortige dorpskarakter. Vanaf die 18de eeu is dit met prostitusie verbind. So het die politikus Jeffrey Archer in die 1980's Monica Coghlan, 'n prostitué, op die plein ontmoet.[1] Kultureel is die plein veral in die 1920's met literêre persoonlikhede en ander kunstenaars geassosieer wat in die buurt gewoon het, soos byvoorbeeld Anthony Powell, Michael Arlen en Sophie Fedorovitch.

Verwysings[wysig | wysig bron]

  1. The Rough Guide to London. Rough Guides 2003, bl. 103

Eksterne skakels[wysig | wysig bron]

Koördinate: 51°30′23″N 0°8′49″W / 51.50639°N 0.14694°W / 51.50639; -0.14694