Simbioot (Marvel Comics)

'n Cosplayer as Venom.

Die Klyntar, beter bekend as simbiote (Engels: symbiotes), is 'n fiktiewe buiteaardse spesie wat in Amerikaanse strokiesverhale verskyn wat deur Marvel Comics gepubliseer word, veral in dié oor Spider-Man. Die simbiote vorm 'n simbiotiese verbintenis met hulle gashere, en so word 'n enkele entiteit gevorm. Hulle kan hulle gashere se persoonlikhede of herinneringe verander deur hulle donkerste begeertes te beïnvloed, asook hulle fisieke en emosionele eienskappe versterk en hulle so bomenslike kragte gee. Daar is meer as 40 bekende simbiote in die Marvel Universe.

Die eerste en bekendste simbioot in Marvel Comics is Venom, wat hom in 1985 die eerste keer aan Spider-Man verbind het in die minireeks Secret Wars. Nadat Spider-Man sy ware bose aard ontdek en hom verwerp het, verbind die simbioot hom aan sy teenstanderr, Eddie Brock, saam met wie hy die eerste keer Venom word. Hy is sedertdien een van Spider-Man se aartsvyande, hoewel hy ook soms as 'n antiheld uitgebeeld word.

Ander karakters het ook later met Venom verbind, onder andere die skurk Mac Gargan en Flash Thompson, wat die superheld Agent Venom word.

Nog 'n bekende simbioot is Carnage, 'n kind van Venom wat verbind het met die berugte Cletus Kasady en 'n vyand van beide Spider-Man en Venom geword het.

Skakels

• Hierdie artikel is in sy geheel of gedeeltelik uit die Engelse Wikipedia vertaal.