Skandaal

in Wikipedia, die vrye ensiklopedie
Spring na: navigasie, soek
Richard Nixon se bedanking na die Watergate-skandaal.

'n Skandaal is 'n openbare voorval waartydens 'n ongeregtigheid, skande of 'n morele oortreding aan die klok gehang word. Dit behels 'n beskuldiging of beskuldigings teen 'n persoon of organisasie wat wye blootstelling geniet. Skandale kan oor 'n werklike gebeurtenis handel, maar kan ook uit valse aantygings, of 'n kombinasie daarvan, bestaan.[1]

Skandale word deur joernaliste, fluitjieblasers of kuberkrakers, wat toegang tot geheime inligting het, geopenbaar. Die motiewe wat mense hiertoe dryf sluit in: wraak, winsbejag, soeke na publisiteit of 'n regverdigheidsgevoel.

Die persone of organisasies wat beskuldig word, word meestal negatiewe deur skandale geraak. Dit kan hul geloofwaardigheid aantas en tot reuse verliese lei. Skandale word egter soms (veral deur kunstenaars) ingespan om publisiteit te verwerf.

Onwaar aantygings lei dikwels tot 'n verlies aan respek vir daardie persoon, en kan hul loopbane vernietig. Aan die ander kant kan pogings om 'n skandaal toe te smeer tot 'n groter skandaal lei, veral as die toesmeerdery nie werk nie.

Voorbeelde van bekende skandale is die Inligtingsdebakel, Watergate-skandaal en die Panama-verslag.

Verwysings[wysig | wysig bron]

  1. Davis 2014, p. 84.