Sondag

in Wikipedia, die vrye ensiklopedie
Jump to navigation Jump to search
Kaart wat die name vir Sondag in Europese tale vertoon.

Sondag is die weeksdag tussen Saterdag en Maandag. Die naam is afkomstig van Sunne, die Sakserse god, of Sunna, die Skandinawiese songodin, en beteken "Sunna/e se dag".

Sondag word soms as die laaste dag van die week gereken (veral in moderne Europa en Suid-Amerika), en somtyds as die eerste dag ('n tradisie uit die antieke Judaïsme en antieke Egipte).

In Oosters-Ortodokse Christelike families en gemeenskappe vind geen aktiwiteit op Sondae plaas nie, byvoorbeeld werk, om iets te doen wat iemand anders sal laat werk (soos die koop van goedere of dienste, insluitend openbare vervoer), die bestuur of was van 'n motor, tuinwerk, ensovoorts. Uitsonderings wat wel toegelaat word, is die bywoning van geestelike dienste, die benutting van noodsaaklike mediese dienste en (gewoonlik) die gebruik van elektrisiteit.

In die antieke Joodse tradisie is Saterdag as die sabbat beskou. In baie tale is daar geen aparte woorde vir Saterdag en sabbat nie. Oosters-Ortodokse kerke onderskei tussen die sabbat (Saterdag) en die Heer se dag (Sondag). Rooms-Katolieke Kerke plaas só min klem op hierdie onderskeid dat baie van hulle die Protestantse gebruik - ten minste in die omgangstaal - volg deur Sondag die sabbat te noem.

Enige maand wat met 'n Sondag begin, sal 'n Vrydag die dertiende bevat.

Sondag is die tweede dag van die naweek en is 'n rusdag in die lande met 'n Christelike tradisie, omdat Christene dit as die dag beskou waarop die kerk besoek word.

Eksterne skakels[wysig | wysig bron]