Spektraallyn

in Wikipedia, die vrye ensiklopedie
Spring na: navigasie, soek
Ononderbroke spektrum
Emissielyne
Absorpsielyne

’n Spektraallyn is ’n donker of helder lyn in ’n andersins ononderbroke elektromagnetiese spektrum. Dit word veroorsaak deur die gebrek aan of oormaat van fotone of ligpartikels in ’n spesifieke frekwensie.

Wanneer fotone geabsorbeer word, vorm donker lyne, oftewel absorpsielyne. Wanneer hulle uitgestraal word, vorm ligte lyne, oftewel emissielyne.

Elke element het ’n kenmerkende stel spektraallyne. Dit word onder meer in die sterrekunde gebruik om te bepaal uit watter stowwe ’n ster bestaan.