Kentum-tale

Kentum-tale vernoem na die Latynse woord centum (spreek uit as: kentoem) vorm 'n subgroep van die Indo-Europese tale, saam met die Satem-tale. Veral die westelike Indo-Europese tale behoort tot hierdie subgroep, met uitsondering van Tochaars.

Die benaming word ontleen aan die verskynsel dat die Indo-Europese tale onder te verdeel is in 'n groep waarby die woord vir die getal 100 met velare of palatale plofklank begin (byvoorbeeld k), en in 'n groep waarby die woord met 'n alveolêre affrikatiewe of frikatiewe klank begin (byvoorbeeld s)

Kentum-tale:

"100"

• Latyn centum
• Iers cet
• Tochaars kant
• Grieks hekaton (die toevoeging van he- is 'n uitsonderlike verskynsel)
• Goties hunds (die h-klank is ontstaan uit 'n gewysigde k)

Die Kentum-tale is (in chronologiese volgorde):

• Anatoliese tale (uitgestorwe)
• Grieks
• Italiese en Romaanse tale
• Keltiese tale
• Germaanse tale
• Tochaars

(Vir enkele ander Indo-Europese tale is te min inligting beskikbaar om in een van die subgroepe te plaas.)

Satem-tale

Onder die Satem-tale val alle Indo-Iraanse tale en die Baltiese en Slawiese tale (laasgenoemdes val onder die groter Baltoslawiese taalfamilie):

"100"

• Russies sto
• Litaus šimtas
• Avesties satəm (Persies sat)

Indo-Europese tale > Kentum-tale