Joseph Priestley

Joseph Priestley
Priestley deur William Artaud
Gebore	13 Maart 1733 Fieldhead, Yorkshire, Engeland
Sterf	8 Februarie 1804 Northumberland, Pennsylvania
Nasionaliteit	Engeland
Bekend vir	Identifiseer suurstof

Joseph Priestley (13 Maart 1733 – 8 Februarie 1804) was 'n Engelse chemikus, filosoof, predikant en onderwyser. Op 1 Augustus 1774 identifiseer hy die chemiese element suurstof in sy laboratorium te Bowood House, Wiltshire, Engeland. Dit bevestig die vroeëre, onafhanklike ontdekking daarvan deur Carl Wilhelm Scheele.

Priestley het gedurende sy leeftyd 'n aansienlike wetenskaplike reputasie opgebou, onder andere vir die uitvinding van sodawater, sy geskrifte oor elektrisiteit en die ontdekking van 'n aantal gasse, waarvan sy ontdekking van suurstof die bekendste is. As gevolg van sy geloof in flogiston het hy nie besef dat hy 'n nuwe element voorberei het nie. Hy het gedag dat hy daarin geslaag het om lug vry van flogiston ("de-phlogisticated air") voor te berei. Sy vasbeslotenheid om die flogiston-teorie te verdedig, asook die verwerping van idees wat die chemiese revolusie sou begin, het hom hom teen die einde van sy lewe van die wetenskaplike gemeenskap geïsoleer.

As gevolg van sy omstrede publikasies en uitgesproke steun vir die Franse Rewolusie is hy deur die publiek en owerhede wantrou. Nadat 'n skare sy huis en kerk in 1791 afgebrand het, vlug hy na Londen. In 1794 verhuis hy na die Verenigde State, waar hy die laaste tien jaar van sy lewe in Northumberland County, Pennsylvania deurbring.

Eksterne skakels

• Die Priestley Vereniging (en)
• 'n Kort biografie (en)
• Opstel ter nagedagtenis aan Priestley (1874) (en)