Joseph Priestley

in Wikipedia, die vrye ensiklopedie
Joseph Priestley
Priestley deur William Artaud
Gebore13 Maart 1733
Fieldhead, Yorkshire, Engeland
Sterf8 Februarie 1804
Northumberland, Pennsylvania
NasionaliteitEngeland
Bekend virIdentifiseer suurstof

Joseph Priestley FRS (13 Maart 17338 Februarie 1804) was 'n Engelse chemikus, filosoof, predikant en onderwyser.[1] Op 1 Augustus 1774 isoleer hy die chemiese element suurstof in sy laboratorium te Bowood House, Wiltshire, Engeland.[2] Dit bevestig die vroeëre, onafhanklike ontdekking daarvan deur Carl Wilhelm Scheele. Priestley het suurstof egter in terme van die flogiston-teorie beskou, en dit dus nie as 'n nuwe element geidentifiseer nie, maar eerder as 'n gas met 'n gebrek aan flogiston beskryf.

Priestley het gedurende sy leeftyd 'n aansienlike wetenskaplike reputasie opgebou, onder andere vir die uitvinding van sodawater, sy geskrifte oor elektrisiteit en die ontdekking van 'n aantal gasse, waarvan sy ontdekking van suurstof die bekendste is. As gevolg van sy geloof in flogiston het hy nie besef dat hy 'n nuwe element voorberei het nie. Hy het gedog dat hy daarin geslaag het om lug vry van flogiston ("de-phlogisticated air") voor te berei. Sy vasbeslotenheid om die flogiston-teorie te verdedig, asook die verwerping van idees wat die chemiese revolusie sou begin, het hom hom teen die einde van sy lewe van die wetenskaplike gemeenskap geïsoleer.

As gevolg van sy omstrede publikasies en uitgesproke steun vir die Franse Rewolusie is hy deur die publiek en owerhede wantrou. Nadat 'n skare sy huis en kerk in 1791 afgebrand het, vlug hy na Londen. In 1794 verhuis hy na die Verenigde State, waar hy die laaste tien jaar van sy lewe in Northumberland County, Pennsylvania deurbring.

Verwysings[wysig | wysig bron]

  1. Kuhn, Thomas. (1996). The Structure of Scientific Revolutions, pp. 53–60.
  2. American Chemical Society (ACS), "Joseph Priestley: Discoverer of Oxygen"; besoek op 2012-5-23.

Eksterne skakels[wysig | wysig bron]