Anna Neethling-Pohl: Verskil tussen weergawes
kNo edit summary |
Skuilnaam bygevoeg |
||
Lyn 20: | Lyn 20: | ||
[[Lêer:Die Goeie ou tyd 1944.jpg|duimnael|250px|[[Gert van den Bergh]], [[Paula Styger]], [[Pierre de Wet]] en Anna Neethling-Pohl in 'n toneel uit Sita se Die Goeie ou tyd (1944).]] |
[[Lêer:Die Goeie ou tyd 1944.jpg|duimnael|250px|[[Gert van den Bergh]], [[Paula Styger]], [[Pierre de Wet]] en Anna Neethling-Pohl in 'n toneel uit Sita se Die Goeie ou tyd (1944).]] |
||
'''Anna Neethling-Pohl''' (1906-1992) was 'n [[Afrikaans]]e aktrise en skrywer wat op die verhoog en in rolprente opgetree het. Sy het in meer as 50 verhoogproduksies en hoofrolle opgetree, en 7 van [[Shakespeare]] se dramas na Afrikaans vertaal. Sy het ook verskeie romans gepubliseer waarvoor sy die Langenhoven-prys in 1926 en die Vaderland-prys in 1937 ontvang het. In 1948 ontvang sy 'n Erepenning vir Toneelspel van die [[Suid-Afrikaanse Akademie vir Wetenskap en Kuns]].<ref>[http://esat.sun.ac.za/index.php/Anna_Neethling-Pohl Anna Neethling-Pohl se profiel op ESAT], besoek op 13 Desember 2012</ref><ref>[http://www.beeld.com/Vermaak/Nuus/Anna-Neethling-Pohl-enkele-hoogtepunte-20120903 Anna Neethling-Pohl: enkele hoogtepunte], [[Beeld]], 3 September 2012</ref> |
'''Anna Neethling-Pohl''' (1906-1992) was 'n [[Afrikaans]]e aktrise en skrywer wat op die verhoog en in rolprente opgetree het, sy lewer ook skryfwerk ook onder die skuilnaam A.P. Niehaus. Sy het in meer as 50 verhoogproduksies en hoofrolle opgetree, en 7 van [[Shakespeare]] se dramas na Afrikaans vertaal. Sy het ook verskeie romans gepubliseer waarvoor sy die Langenhoven-prys in 1926 en die Vaderland-prys in 1937 ontvang het. In 1948 ontvang sy 'n Erepenning vir Toneelspel van die [[Suid-Afrikaanse Akademie vir Wetenskap en Kuns]].<ref>[http://esat.sun.ac.za/index.php/Anna_Neethling-Pohl Anna Neethling-Pohl se profiel op ESAT], besoek op 13 Desember 2012</ref><ref>[http://www.beeld.com/Vermaak/Nuus/Anna-Neethling-Pohl-enkele-hoogtepunte-20120903 Anna Neethling-Pohl: enkele hoogtepunte], [[Beeld]], 3 September 2012</ref> |
||
== Biografie == |
== Biografie == |
Wysiging soos op 05:20, 4 November 2016
Anna Neethling-Pohl | |
Anna Neethling-Pohl as Lady Macbeth en André Huguenet as Macbeth. Dit is in Johannesburg op die planke gebring onder regie van Gwen Ffrancon-Davies.
| |
Geboortenaam | Anna Servasina Pohl |
---|---|
Geboorte | 24 Desember 1906 Graaf-Reinet |
Sterfte | 14 Augustus 1992 Bloemfontein |
Nasionaliteit | Suid-Afrika |
Beroep(e) | Aktrise |
Toekennings | Langenhoven-prys (1926) Vaderland-prys (1937) Erepenning vir Toneelkuns (1948) |
Internet-rolprentdatabasis-profiel |
Anna Neethling-Pohl (1906-1992) was 'n Afrikaanse aktrise en skrywer wat op die verhoog en in rolprente opgetree het, sy lewer ook skryfwerk ook onder die skuilnaam A.P. Niehaus. Sy het in meer as 50 verhoogproduksies en hoofrolle opgetree, en 7 van Shakespeare se dramas na Afrikaans vertaal. Sy het ook verskeie romans gepubliseer waarvoor sy die Langenhoven-prys in 1926 en die Vaderland-prys in 1937 ontvang het. In 1948 ontvang sy 'n Erepenning vir Toneelspel van die Suid-Afrikaanse Akademie vir Wetenskap en Kuns.[1][2]
Biografie
Anna Servasina Pohl is op 24 Desember 1906 op Graaff-Reinet as die dogter van Pieter en Evelyn Maude Pohl gebore. Sy het twee susters: Truida (wat later as regisseur bekend word en met die digter N.P. van Wyk Louw trou) en Sophia. Haar broer Jan was 'n liriekskrywer. Haar ma is in 1918 is in die griep-epidemie oorlede.
Haar pa was 'n boekhouer, maar was ook as 'n toneelspeler en regisseur by gemeenskapteater betrokke. Die jong Anna tree op sesjarige ouderdom vir die eerste keer saam met haar pa op die verhoog op. Op 17-jaar speel sy in Die laaste van die takhare van C.J. Langenhoven.
Sy studeer onderwys en gee vir ’n rukkie lank klas.
In 1930 trou sy met haar penvriend dr. Chris Neethling. Die egpaar het een dogter, Linda en die huwelik hou vir 15 jaar. Sy trou later weer met ’n Portugese man, Jaoa Henrique Ulrich, maar die huwelik is kortstondig.
Sy was 'n lid van die Ossewa Brandwag en was heftig gekant teen Suid-Afrika se deelname aan die Tweede Wêreldoorlog saam met die Britse magte.
Sy was een van die stigterslede van die Volksteater, aanvanklik bekend as die Ons Teatertjie-toneelgroep, wat in 1935 gestig is. Hulle onderneem toere deur die land. Sy gebruik die verhoognaam Anna Neethling-Pohl om verwarring met die sopraan Anna-Elizabeth Pohl te voorkom.
Van 1923 tot die laat 1980's het sy in meer as 50 verhoogstukke opgetree en was sy die regisseur van byna 60 produksies. Sy was ook vir twee dekades omroeper by die SAUK gewees. Sy doen baie om die Afrikaanse digkuns te bevorder en van haar voordrag word ook op grammofoonplaat vasgelê.
In 1938 behartig sy die spelleiding van N.P. van Wyk Louw se Die diepe reg, wat met die hoeksteenlegging van die Voortrekkermonument opgevoer is.
Sy ontvang verskeie toekennings, waaronder die Erepenning vir Toneelkuns van die Suid-Afrikaanse Akademie vir Wetenskap en Kuns in 1948.
Sy skryf ook ’n paar romans onder die skuilnaam A.P. Niehaus. Sy skryf ook twee outobiografieë: Dankbaar die uwe en Vader en Ek kry koud.
Van 1965 tot 1971 was sy een van die eerste professore aan die drama-departement van die Universiteit van Pretoria. Onder haar studente tel George Ballot, Lerina Erasmus, Katinka Heyns, Tobie Cronjé, Sandra Prinsloo en Trudie Taljaard.
Sy sterf op 14 Augustus 1992, op 86-jarige ouderdom in Bloemfontein aan kanker.
Filmografie
As aktrise:
- Die Goue Kring, 1982
- Elsa se Geheim, 1979
- Dit was Aand en dit was Môre, 1978
- Die Voortrekkers, 1973
- Majuba: Heuwel van Duiwe, 1968 as Katryn Du Toit
- Huis op Horings, 1963
- Doodkry is Min, 1961
- Daar Doer in die Stad, 1954 as Hans se moeder
- Lig van 'n Eeu, 1942
- Bou van ’n Nasie, 1938
As regisseur:
- Afspraak in die Kalahari, 1973
Sien ook
Verwysings
- ↑ Anna Neethling-Pohl se profiel op ESAT, besoek op 13 Desember 2012
- ↑ Anna Neethling-Pohl: enkele hoogtepunte, Beeld, 3 September 2012