Argon-36

Eienskappe

Algemeen
Naam	Argon-36
Protone	18
Neutrone	18
Navigasie
$\nwarrow$$\uparrow$$\nearrow$ 3517Cl $\leftarrow$3618Ar$\rightarrow$ $\swarrow$$\downarrow$$\searrow$ 3617Cl 3718Ar
Lys van isotope
Portaal Chemie
Portaal Fisika

Argon-36 (chemiese notasie ³⁶₁₈Ar) is 'n stabiele isotoop van argon, 'n edelgas. Dit is een van die drie stabiele isotope van die element, naas argon-38 en argon-40. Die voorkoms van argon-36 op aarde bedra 0,3365%.

Argon-36 ontstaan onder meer tydens die radioaktiewe verval van chloor-36, kalium-36 en kalsium-37.

Wetenskaplikes vermoed dat Argon-36 via dubbele betaverval oorgaan na die stabiele isotoop swawel-36. Die vervalenergie bedra −1611,87 keV.

Oerisotoop

Argon-36 en argon-38 is oerisotope wat in die nukleosintese binne sterre gevorm word, terwyl argon-40 hoofsaaklik 'n radiogene vervalproduk van ⁴⁰K is. In die son se atmosfeer oorheers die oerisotope. Die isotoopverhouding is omtrent 84:15:1. Hier op aarde verteenwoordig die radiogene isotoop 99,6% van die atmosfeer se argon.

Chondriete

Argon-36 is 'n oerisotoop en sy volopheid word soms vergelyk met ander oerisotope s'n, byvoorbeeld in die studie van meteoriete. Koolstofhoudende chondriete bevat volop argon en neon, wat by verhitting tot 950 K vrygestel en gemeet kan word. Die gass is opgesluit in die kristalrooster van die meteoriet. Die radiogene argon word makliker vrygestel as die oerisotoop argon-36. Vir neon is dit anders. Die verhouding van die oerisotope ²⁰Ne en ³⁶Ar wissel tussen 0,005 en 22, wat aandui dat groot fraksionering deur diffusieverlies plaasgevind het.

Verwysings

• (en) Wolfram Alpha
• (en) Periodieke tabel