Shogi

Shogispel. Gebuite stukke in die deursigtige houer kan op die bord laat 'val" word deur die speler wat die stuk gebuit het.

Shogi (将棋, shōgi^?, generale' skaak), ˈʃoʊɡiː, ook bekend as Japannese skaak, is 'n twee-speler bordspel in dieselfde familie as Westerse Skaak, Sjatoeranga, Sjinese Chiangtsi, en Koreaanse Janggi, en is die gewildste vorm van 'n familie skaakvariante inheems aan Japan. Shōgi beteken general (shō) se bordspel (gi). Vroeër is shogi egter as 象棋 geskryf (dieselfde as Chiangtsi, "olifantskaak").

Die vroegste voorganger van die spel, sjatoeranga, het in die 6de eeu in Indië ontstaan en van Sjina na Japan versprei waar dit aanleiding gegee het tot 'n aantal variante. Shogi is so vroeg as die 16de eeu in sy huidige vorm gespeel. 'n Direkte voorganger van die invalreël is in 1210 in 'n historiese dokument, Nichūreki, aangeteken wat oënskynlik 'n geredigeerde kopie van Shōchūreki en Kaichūreki uit die laat Heian tydperk (c. 1120) is.