Namur (provinsie)

Ligging van die provinsie Namur

Rochers de Freÿr, Freÿr

Namur (Wallonies en Pikardies: Nameur, Duits: Namur, Nederlands: Namen) is 'n Belgiese provinsie in Wallonië. Die provinsie het 'n bevolking van sowat 469 000 (2009), 'n oppervlakte van 3 666 km² en 'n bevolkingsdigtheid van 128 inwoners per km². Die hoofstad is die gelyknamige stad Namur.

Namur lê in die suide van België en grens aan die Franse gewes Champagne-Ardenne. In Namur word Frans en Wallonies gepraat. In die uiterste weste word naas Standaardfrans ook Pikardies gepraat en in die uiterste suidooste Champenois (in die munisipaliteit Vresse-sur-Semois).

Die belangrikste waterliggame in die provinsie is die Samber- en Maasriviere. Die Ardenne-bergreeks is in die suide van die provinsie geleë. Die noorde van Namur (links van die Maasrivier) behoort tot die Haspengouw (Hesbaye). Die hoogste punt is die Croix-Scaille (505 m), 'n heuwel in die munisipaliteit Gedinne op die grens met Frankryk.

Administratiewe arrondissemente

Namur word in administratiewe opsig in drie arrondissemente verdeel:

• Arrondissement Dinant
• Arrondissement Namur
• Arrondissement Philippeville

Eksterne skakels

• (fr) Die amptelike webwerf van die provinsie Namur
• Ligging: 50°28′N 4°51′O