La Défense: Verskil tussen weergawes
Rol weergawe 849256 deur 46.103.64.115 (bespreek) terug. |
|||
| Lyn 28: | Lyn 28: | ||
[http://www.insecula.com/salle/MS02242.html/ Die skulpture van La Défense] |
[http://www.insecula.com/salle/MS02242.html/ Die skulpture van La Défense] |
||
[http://www.defence-network.com Défense Network] |
|||
[[Kategorie:Parys]] |
[[Kategorie:Parys]] |
||
Wysiging soos op 05:48, 13 Oktober 2011
La Défense is die sentrale besigheidsdistrik van die Franse hoofstad Parys. Die hipermoderne sakesentrum met sy wolkekrabbers, groot woonstelblokke en inkoopsentra is die grootste in Europa. Om die historiese stadsbeeld van Parys te bewaar, lê die sakesentrum buite die stadsgrense in die westelike voorstede (banlieues) Courbevoie, Nanterre en Puteau, in die département Hauts-de-Seine.
Geskiedenis
Die naam La Défense is afgelei van die standbeeld La Défense de Paris wat in 1883 ter ere van die Franse soldate, wat in die Franko-Pruisiese Oorlog (1870-1871) geveg het, opgerig.
Die stadsbeplanning vir die nuwe buurt begin in die vyftigerjare van die 20ste eeu, en aanvanklik word die hoogte van nuwe geboue tot 100 m beperk. Hoewel die ontwikkeling tydens die ekonomiese krisis van 1973 en later nog eens aan die begin van die negentigerjare tot 'n tydelike stilstand kom, groei La Défense steeds verder. Dit is nou die grootste Europese sakesentrum met sowat 30 000 inwoners en 150 000 mense wat in sy kantore werk. Danksy die ekonomiese betekenis van die buurt het dit die bynaam "Wall-Street-sur-Seine" gekry.
Die stadswyk is 'n reusagtige wandellaan, terwyl die parkeerplekke, stasies, buslane en ander geriewe ondergronds aangelê is.
Die futuristiese karakter van hierdie wolkekrabberbuurt word deur die reusagtige Grande Arche, 'n moderne weergawe van die Arc de Triomphe (Triomfboog), beklemtoon. Wit Carrara-marmer verleen 'n pragtige voorkoms aan die kubus wat sowat 100 m hoog is en in sy midde plek genoeg bied om die katedraal Notre-Dame op te neem. President François Mitterrand het die oprigting van die Grande Arche as 'n simbool vir die uitdagings van die moderne tyd aangemoedig. Die kubus is deur die Deense argitek J.O. von Spreckelsen ontwerp en in 1989 ter herinnering van die Franse Rewolusie ingewy.
Die utopiese karakter van die argitektuur word versag deur 'n aantal kunsobjekte soos die Stabile van Calder en die fantasieryke figure van Miró.
-
La Défense, met die Arc de Triomphe in die agtergrond -
Uitsig vanuit die Grande Arche -
Geboue in La Défense
-
Die hoofkwartier van 'n staalkorporasie -
'n Nagtelike uitsig oor die Esplanade
