Pearl Harbor: Verskil tussen weergawes
Ossewa (besprekings | bydraes) Eksterne skakels: regmaak van gebreekte skakel |
k r2.7.2) (robot Bygevoeg: tl:Pearl Harbor |
||
| Lyn 66: | Lyn 66: | ||
[[ta:பேர்ள் துறைமுகம்]] |
[[ta:பேர்ள் துறைமுகம்]] |
||
[[th:ท่าเรือเพิร์ล]] |
[[th:ท่าเรือเพิร์ล]] |
||
[[tl:Pearl Harbor]] |
|||
[[tr:Pearl Harbor]] |
[[tr:Pearl Harbor]] |
||
[[uk:Перл-Харбор]] |
[[uk:Перл-Харбор]] |
||
Wysiging soos op 10:01, 2 Junie 2012
.jpg)
Pearl Harbor is 'n hawe op die eiland Oahu van die Amerikaanse deelstaat Hawaii en wes van die hoofstad Honolulu. Die naam "Pêrelhawe" is afgelei van die plaaslike pêreloesterbedryf wat hier tot laat in die 19de eeu gefloreer het.
Pearl Harbor word grotendeels deur die Amerikaanse Vloot as 'n militêre diepseehawe gebruik en dien ook as die hoofbasis van die Verenigde State se Stille Oseaan Vloot. Die Keiserryk van Japan se lugaanval op Pearl Harbor op 7 Desember 1941 het die Verenigde State genoop om tot die Tweede Wêreldoorlog toe te tree. Twee van die groot oorlogskepe, wat tydens die bomaanval vergaan het, die U.S.S. Arizona en die U.S.S. Utah, is nie gelig nie en ter herdenking aan die bemanningslede wat hulle lewens verloor het tot nasionale monumente verklaar. Oor die Arizona, wat tans op 'n diepte van slegs twaalf meter lê, is die spierwit U.S.S. Arizona Memorial as 'n "drywende" oorlogsgedenkteken opgerig.
Die Japanse aanval op 7 Desember 1941
Die Japanse Keiserlike Vloot se verrassingsaanval op die Amerikaanse Vloot in die Stille Oseaan was daarop gemik om die VSA nog voor Japan se beplande militêre optrede teen die Verenigde Koninkryk, Nederland en die VSA as 'n Pasifiese seemag uit te skakel, maar het uiteindelik daartoe gelei dat die VSA tot die Tweede Wêreldoorlog toegetree het. Twee reekse van lugaanvalle met altesaam 353 vliegtuie is vanuit ses Japanse vliegdekskepe geloods.
Die aanval het twee oorlogskepe, 'n mynlegger en twee duikbootjagters, asook 188 vliegtuie verniel. 2 388 Amerikaanse Vlootlede het hul lewens verloor en 1 178 is gewond. 'n Aantal ander skepe is ernstig beskadig, terwyl belangrike brandstoftenks, skeepswerf- en herstelgeriewe en die hoofkwartier nie deur die aanvalle geraak is nie. Die Japanse verliese was beperk tot 29 vliegtuie en vyf duikbote, terwyl 65 weermaglede gesneuwel het of gewond is.