Springbokpark, Pretoria

in Wikipedia, die vrye ensiklopedie
Spring na: navigasie, soek
Hek by die Pretoriusstraat ingang van die park

Springbokpark of Springbokparkie soos dit ook bekendstaan, is 'n park in Hatfield, Pretoria, Suid-Afrika. Die drie hektaar bebosde park met inheemse plantegroei is tussen twee besige eenrigtingstrate Pretorius- en Schoemanstraat en die systrate Hilda- en Grosvenorstraat geleë. Die park bevat ongeveer 100 witstinkhoutbome en 'n aantal ander inheemse bome. 'n Dammetjie in die Westelike deel van die park word deur 'n stroom met 'n klein waterval met 'n groter dam met watervoëls verbind. Die park word versier met blou agapanthusse en bolplante soos watsonias en swaardlelies wat in die somer blom en oranje en geel Namakwalandse madeliefies en ander eenjarige plante wat in die lente vir 'n kleurskouspel sorg. Die park is binne loopafstand van die Universiteit van Pretoria en is 'n gewilde plek vir huweliksfoto's. Dit is in die 1970's tot nasionale monument verklaar.[1]

Verwysings[wysig | wysig bron]

  1. City of Tshwane Parks in Tshwane, besoek op 29 Desember 2006