Stanza Bopape
Stanza Bopape | |
|---|---|
| Gebore | Johannes Maisha Stanza Bopape 26 April 1961 |
| Sterf | 12 Junie 1988 |
| Nasionaliteit |  Suid-Afrika |
| Beroep | Politiese aktivis |
| Bekend vir | Eerste hoofsekretaris van die South African National Civic Organisation (SANCO) in Mamelodi |
Johannes Maisha Stanza Bopape was 'n ANC-aktivis en burgerlike leier. Hy is in 1987 verkies as die eerste hoofsekretaris van die South African National Civic Organisation (SANCO) in Mamelodi. Die polisie het hom daarvan beskuldig dat hy 'n kommunis was en 'n gevaarlike invloed. Ondanks die feit dat hy moes vlug, het hy daarin geslaag om te mobiliseer en mense teen apartheid te organiseer.
Bopape is uiteindelik op 10 Junie 1988 deur die polisie in hegtenis geneem. Hy is na John Vorsterplein geneem waar hy wreed gemartel is tesame met Murphy Morobe, 'n jong aktivis van Soweto. Hy is op 12 Junie 1988 in polisie-aanhouding oorlede, waarna sy liggaam in die krokodilbesmette Komatirivier, op die grens van Mosambiek en Suid-Afrika, gegooi is. Op 4 Julie 1988 het die polisie vir sy ouers gesê dat hy uit die tronk ontsnap het.[1][2]
Straatnaam
[wysig | wysig bron]Stanza Bopapestraat (voorheen bekend as Kerkstraat, vanaf Nelson Mandelarylaan na die ooste) in Pretoria is in 2012 na hom genoem.[3]
Verwysings
[wysig | wysig bron]- ↑ "SA History Online" (in Engels). Geargiveer vanaf die oorspronklike op 9 Oktober 2019. Besoek op 12 Maart 2016.
- ↑ "justice.gov.za" (in Engels). Geargiveer vanaf die oorspronklike op 3 Maart 2011. Besoek op 12 Maart 2016.
- ↑ "ShowMe: Pretoria's new street names" (in Engels). Geargiveer vanaf die oorspronklike op 28 Maart 2019. Besoek op 12 Maart 2016.