Stereopse

in Wikipedia, die vrye ensiklopedie
Die twee oë kyk na ’n voorwerp.
Die kubus skuif na regs in die beeld van die linkeroog.
Die kubus skuif na links in die beeld van die regteroog
Ons sien ’n enkele beeld, wat saamgestel is uit die beelde van die twee oë.

Stereopse (van die Griekse στερεο- stereo-, "solied", en ὄψις opsis, "voorkoms" of "sig") is ’n term wat meestal gebruik word om te verwys na die waarneming van diepte en driedimensionele struktuur deur die twee oë van mense met normale binokulêre visie.[1] Omdat mense, en baie diere, se oë in verskillende laterale posisies geleë is, lei binokulêre visie tot twee effens verskillende beelde wat na die retina van die oë geprojekteer word. Die verskille lê hoofsaaklik in die relatiewe horisontale posisie van voorwerpe in die twee beelde. Hierdie verskille in posisie word horisontale dispariteite genoem, of meer algemeen binokulêre ongelykhede. Die verskille word in die brein verwerk om dieptewaarneming moontlik te maak. Terwyl binokulêre ongelykhede natuurlik is wanneer met twee oë na ’n driedimensionele toneel gekyk word, kan dit ook nagemaak word deur twee verskillende beelde apart aan elke oog te wys deur ’n metode wat stereoskopie genoem word. Die waarneming van diepte in sulke gevalle word ook "stereoskopiese diepte" genoem.[1]

Hoewel die waarneming van diepte en driedimensionele struktuur ook met een oog moontlik is,[2] is die waarneming nie so goed as wanneer binokulêre dispariteite ’n rol speel nie.[3]

Die term "stereopse" (of "stereoskopiese diepte") kan dus spesifiek verwys na die unieke indruk van diepte wat met binokulêre visie verbind word; dit is wat algemeen "in 3D" genoem word.

Verwysings[wysig | wysig bron]

  1. 1,0 1,1 Howard IP, Rogers BJ (1995). Binocular vision and stereopsis. New York: Oxford University Press."
  2. Howard IP, Rogers BJ (2012). Perceiving in Depth. Volume 3. New York: Oxford University Press."
  3. Barry, Susan (2009). Fixing My Gaze: A Scientist's Journey into Seeing in Three Dimensions. New York: Basic Books. ISBN 9780786744749. {{cite book}}: Onbekende parameter |name-list-format= geïgnoreer (hulp)"

Eksterne skakels[wysig | wysig bron]