Stewart Wilken

in Wikipedia, die vrye ensiklopedie
Jump to navigation Jump to search
Stewart Wilken
Gebore  11 November 1966 (1966-11-11) (52 jaar oud)
Land  Suid-Afrika
Bynaam  Boetie Boer
Misdaad  Reeks moorde, onder andere sy eie dogter en stiefseun
Misdaadbesonderhede
Plek Port Elizabeth
Datum(s)  1990–1997
Slagoffers  10
Vonnisbesonderhede
Aangekeer  Januarie 1997
Vonnisdatum  20 Februarie 1998
Vonnis  7 x lewenslange tronkstraf

Stewart Wilken, ook bekend as Boetie Boer (geb. 11 November 1966), is ’n veroordeelde Suid-Afrikaanse reeksmoordenaar. Hy word beskou as ’n uiters ongewone reeksmoordenaar omdat hy twee verskillende groepe mense vermoor het: vroulike prostitute en jong seuns. Hy het ook sy eie dogter en stiefseun vermoor.

Wilken het in 1990 begin moor. Hy is in Januarie 1997 aangekeer. Hy was in Port Elizabeth aktief.[1][2][3]

Hy is op 3 Februarie 1997 aangekla van 10 moorde en 5 aanklagte van sodomie. Hy is op 20 Februarie 1998 skuldig bevind aan sewe moorde en 2 aanklagte van sodomie. Hy is tot sewe keer lewenslange tronkstraf gevonnis. Volgens regter Chris Jansen sou hy die doodstraf gekry het as dit nog in Suid-Afrika geldig was.

Wilken het sy eie adolessente dogter, Wuane, uit sy eerste huwelik vermoor. Hy het gesê haar stiefpa het haar seksueel gemolesteer en hy wou haar siel na God toe stuur. Hy het ook die seun van sy tweede vrou, Henry Bakers, vermoor. Hy het vir die polisie gesê hy het seks met Henry se ontbindende lyk gehad. Hy het ook beweer hy het een van sy slagoffers se tepels geëet.[1]

Sien ook[wysig | wysig bron]

Verwysings[wysig | wysig bron]

  1. 1,0 1,1 Serial Murderes and their Victims. Cengage Learning. pp. 344–. ISBN 9784956008143. 
  2. Pistorius, Micki (2002). Strangers on the street: serial homicide in South Africa. Penguin. ISBN 978-0-14-100356-6. Besoek op 5 April 2012. 
  3. "Story of a serial killer". North Harbour News. 30 Oktober 2008. Besoek op 5 April 2012. 

Eksterne skakels[wysig | wysig bron]