Streep (mineralogie)

in Wikipedia, die vrye ensiklopedie
Jump to navigation Jump to search
Die streep van Piriet en Rodogrosiet

Die streep van 'n mineraal is dié kleur wat die stof het indien dit fyn gepoeier word. Dit word gewoonlik bepaal deur met die mineraal 'n streep te trek op 'n stuk ongeglasuurde porselein. Die stukkie porselein kan wit wees, maar vir liggekleurde strepe word ook swart porselein aangewend.

Die streep se kleur kan baie verskil van watter kleur 'n groot klomp van die mineraal lyk te besit en die twee kleure saam is kenmerkend vir die mineraal. Die bepaling van die streep is daarom 'n eenvoudige manier om die mineraal te identifiseer. Byvoorbeeld die minerale hematiet en magnetiet is altwee ysteroksiede wat swart uit kan sien. Magnetiet se streep is swart, maar hematiet s'n is rooi. Piriet kan soos goud of chalkopiriet lyk maar hulle strepe is anders.

Die streep kan net met 'n porseleinplaatjie bepaal word indien die mineraal se hardheid 6 of minder op die skaal van Mohs is. Harder minerale sal net die porselein kras en nie hulle kleur afgee nie.

Verwysings[wysig | wysig bron]

Crystal txt.png Hierdie artikel is (gedeeltelik) vertaal uit die Nederlandse Wikipedia. Sien bron.