Stuart Neville

in Wikipedia, die vrye ensiklopedie
Jump to navigation Jump to search

Stuart Neville (* 1972 in Armagh) is 'n Noord-Ierse skrywer wat veral sukses behaal het met sy roman The Twelve (wat in die Verenigde State onder die titel The Ghosts of Belfast, in Duitsland as Die Schatten von Belfast en in Frankryk as Les Fantômes de Belfast gepubliseer is).

Literêre werke[wysig | wysig bron]

Stuart Neville se debuutroman The Twelve behandel die sielkundige aspek van Noord-Ierland se lang burgeroorlog en die kwessie van skuld, geregtigheid en boete. Die riller se hoofkarakter, Gerry Fegan, is 'n IRA-moordenaar wat twaalf jaar lank in die tronk was en ná sy vrylating, anders as sy voormalige vennote, nie by die lewe ná die vredesooreenkoms kan aanpas nie. Hy moet die spoke van sy twaalf onskuldige slagoffers - mans, vroue en kinders - konfronteer wat hom die bevel gee om sy vroeëre opdraggewers dood te maak.

The Twelve is met die Los Angeles Times se boekprys as die beste riller van 2009 bekroon, terwyl dit sowel deur die New York Times asook die Los Angeles Times as een van die beste misdaadromans van die jaar 2009 aangewys is.[1]

Neville se werke is naas Duits en Frans ook in Japannees, Pools, Sweeds, Grieks en ander tale vertaal.

Bibliografie[wysig | wysig bron]

Romans[wysig | wysig bron]

  • The Twelve (2009; in die Verenigde State in 2012 gepubliseer as The Ghosts of Belfast, in Duitsland as Die Schatten von Belfast en in Frankryk as Les Fantômes de Belfast' )
  • Collusion (2010)
  • Stolen Souls (2012)
  • Ratlines (2013)
  • The Final Silence (2014)
  • Those We Left Behind (2015)
  • So Say the Fallen (2016)

Kortverhale[wysig | wysig bron]

  • Requiems for the Departed (2010; bydraer tot die kortverhaalbundel)

Verwysings[wysig | wysig bron]