Swembad

in Wikipedia, die vrye ensiklopedie
Spring na: navigasie, soek
'n Opelugswembad met 'n glygeut.
Kinders speel in 'n opblaasswembad.
'n Binnenshuise swembad in Amsterdam.

'n Swembad is 'n mensgemaakte dam met water waarin mense kan swem of duik. 'n Swembad kan vir ontspanning, die beoefening van sport of terapeutiese doeleindes ingespan word.

Tipes swembaddens[wysig]

Daar is verskillende soorte swembaddens. Swembaddens kan in die grond ingesink wees, of bo op die grond uitstaan. Die mees algemeenste tipes is die speelbad, vryvormbad, geometriese bad, lentebad, duikbad, oneindigheidsbad, spabad en oorloopbad.

  • Die speelbad: 'n Swembad waarin gespeel kan word. So 'n swembad is gewoonlik vlak en kan verskillende (gewoonlik prettige) vorme aanneem.
  • Die vryvormbad: 'n Swembad wat die vorm van 'n natuurlike lagune of oase aanneem. Dit het 'n oneweredige vorm en word gewoonlik met rotse en watervalle versier om dit 'n natuurlike voorkoms te gee.
  • Die geometriese poel, 'n Swembad met geometriese lyne en vorms. So 'n swembad het gewoonlik 'n reghoekige vorm. Dit word as die tradisionele tipe swembaddens beskou.
  • Die lengtebad: 'n Swembad waarin mense vir oefening lengtes kan swem. Die swembaddens is gewoonlik lank en nou, met lynregte kante.
  • Die duikbad: 'n Diep swembad met 'n duikplank of -platform waarin mense in kan duik.
  • Die oneindigheidsbad (infinity pool): 'n Swembad wat die illusie skep dat die kant van die bad oor die horison verdwyn. Dit skep 'n optiese illusie dat die swembad nie 'n kant het nie, en tot oneindigheid aanloop.
  • Die spabad (spool): 'n Kombinasie van 'n swembad en 'n spa. 'n Spabad is gewoonlik 'n kleinerige swembad. Dit kan as 'n groterige spa gesien word.
  • Die oorloop- of oorvloeibad: 'n Swembad waarvan die watervlak gelyk met die oppervlakte is. Dreinering word langs die kante ingesit om die oorloop te hanteer, wat 'n pragtige visuele indruk kan skep.

Sanitasie[wysig]

Dit is belangrik dat swembaddens skoon en higiënies gehou word om die verspreiding van siektes te voorkom en die water aanloklik vir swemmers te maak.

Chemikalie soos chloor word gewoonlik gebruik om bakterie en alge te dood. Soutwater kan as plaasvervanger vir chloor gebruik word om saam met soutelektrolise die nodige chloor te vervaardig soos dit benodig word.

'n Sandfilter word ook meestal geïnstalleer om deeltjies uit die water te verwyder. Die sandfilter moet periodies (meestal weekliks) teruggespoel word om dit skoon te maak.

Ander toerusting sluit in 'n skepnet om blare en goggas van die wateroppervlak te verwyder, 'n borsel om die kante mee skoon te skrop, 'n toetsapparaat om die waterkwaliteit mee te toets, en 'n outomatiese skoonmaker soos 'n Kreepy Krauly om vuilgoed vanaf die bodem op te suig.

Kleredrag[wysig]

Swemmers dra gewoonlik swemdrag wanneer hulle swem. Mans dra gewoonlik 'n swembroek of "speedo" terwyl vroue 'n swempakkie of bikini sal dra. 'n Handdoek is ook noodsaaklik om na die tyd af te droog. Sekere afgemerkte swembaddens en strande laat swemmers toe om naak te swem, of vrouens om bostukloos te swem.

Verhitting[wysig]

Die water in swembaddens kan verhit word om dit meer aangenaam vir swemmers te maak en die swembad vir 'n groter deel van die jaar te kan gebruik. Tipiese stelsels wat hiervoor gebruik kan word is 'n hittepomp, sonpanele op die dak en selfs elektriese verwarmers. Groen tegnologieë soos sonpanele word gewoonlik bo tradisionele elektriese metodes verkies.

Sien ook[wysig]