Te Water-versameling

Die Te Water-versameling in die staatsargief in Kaapstad gee inligting oor bedrywighede op politieke gebied in Suid-Afrika tydens die laaste helfte van die 19de en eerste dekade van die 20ste eeu.

Hierdie versameling bestaan hoofsaaklik uit briewe ontvang deur F.K. te Water en T.N.G. te Water onder andere van Jan Hendrik Hofmeyr en pres. M.T. Steyn. Dit dek die periode 1844 tot 1913.

Frans Karel te Water (Brussel, 13 Augusutus 1824 – Graaff-Reinet, 18 Desember 1913) was die lid vir Graaff-Reinet van die Wetgewende Vergadering van die Kaapkolonie. Sy seun was Thomas te Water.

Trivia

‘n Ander vooraanstaande lid van die Te Water-familie was Charles Theodore te Water (Graaff-Reinet, 4 Februarie 1887 – 6 Junie 1964), advokaat, politikus, Volksraaadslid vir Pretoria-Sentraal van 1924 tot 1929, Suid-Afrika se Hoë Kommissaris in Londen, voorsitter van die Volkebond, kanselier van die Universiteit van Pretoria.