Tel Dan-stele
Die Tel Dan-stele is 'n gedeetelike stele met Kanaänitiese en Aramese inskripsies uit die 9de eeu v.C. Dit is belangrik omdat dit moontlik die enigste bron buite die Bybel is wat na die Huis van Dawid verwys.[1][2]
Beskrywing[wysig | wysig bron]
Die stele is in 1993 in Tel Dan ontdek deur Gila Cook, lid van 'n argeologiese span onder Avraham Biran. Die fragmente daarvan is gebruik om 'n antieke klipmuur te bou wat tot in die moderne tyd bewaar gebly het.[2] Die stele bevat verskeie reëls uit antieke Aramees, wat naby verwant is aan die Bybelse Hebreeus en histories 'n algemene taal onder Jode was.
Die inskripsies wat bewaar gebly het, vertel van 'n individu wat Joram van die Koninkryk Israel, seun van Agab, doodgemaak het.[1] Dit bevestig dele van die Bybel, want 2 Konings noem dat Joram die seun van die Israelitiese koning Agab by sy Fenisiese vrou, Jesebel, was. As 'n Bybelse oogpunt op die inskripsie toegepas word, is die waarskynlike kandidaat wat die stele opgerig het Gasael, koning van Aram-Damaskus (wat dus Aramees sou gepraat het), wat in 2 Konings genoem word. Hy het die Koninkryk Israel verower, maar kon nie Jerusalem inneem nie. Die stele word tans in die Israel-museum uitgestal[3] en is bekend as "KAI 310".
Verwysings[wysig | wysig bron]
- ↑ 1,0 1,1 Hovee, Eric (14 Januarie 2009). "Tel Dan Stele". Center for Online Judaic Studies (in Engels (VSA)). Besoek op 23 September 2019.
- ↑ 2,0 2,1 "Stone Tablet Offers 1st Physical Evidence of Biblical King David : Archeology: Researchers say 13 lines of Aramaic script confirm the battle for Tel Dan recounted in the Bible, marking a victory by Asa of the House of David". Los Angeles Times (in Engels (VSA)). 14 Augustus 1993. Besoek op 23 September 2019.
- ↑ "Samuel and Saidye Bronfman Archaeology Wing". The Israel Museum, Jerusalem. Geargiveer vanaf die oorspronklike op 12 Augustus 2011. Besoek op 26 Augustus 2011.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
