The Postal Service

in Wikipedia, die vrye ensiklopedie
The Postal Service
The Postal Service.
Agtergrondinligting

The Postal Service is die musiekprojek van Ben Gibbard (van die groep Death Cab For Cutie) en Jimmy Tamborello (van die groep Dntel). The Postal Service het in 2003 die album Give Up uitgebring.

Die bekendste liedjie van Give Up is Such Great Heights, wat onder meer gebruik word vir die voorskou van die rolprent Garden State met Natalie Portman. 'n Cover van hierdie liedjie deur Iron & Wine is in die rolprent self gebruik. Die liedjie is ook in die televisiereeks Grey's Anatomy gebruik, asook ter ondersteuning van die televisieadvertensie van die Nederlandse uitsendingsburo StartPeople.

Die musiekvideo van Such Great Heights het in Januarie 2006 op nommer een in die iTunes Music Store gestaan. Die video was in die nuus omdat Apple se nuwe televisiereklame vir die Intel Macs baie soos die musiekvideo gelyk het.

The Postal Service het in 2003 ook 'n weergawe van Phil Collins se treffer Against all Odds uitgebring. Hierdie liedjie is in 2004 vir die rolprent Wicker Park met Josh Hartnett en Diane Kruger gebruik.

Die naam "The Postal Service" het volgens bronne te make met die manier waarop die twee liriekeskrywers hul musiek uitwissel - via alternatiewe pos.

Die platemaatskappy Sup Pop Records het inmiddels bevestig dat The Postal Service met die opname van 'n nuwe album begin het. Voorspellings oor die moontlike vrystellingsdatum varskil van einde 2007 tot êrens in 2008.

Eksterne skakels[wysig | wysig bron]