Thonburi

in Wikipedia, die vrye ensiklopedie
Jump to navigation Jump to search
Die dorp Thonburi aan die regteroewer (westekant) van die Chao Phraya (hier links onder) oorkant die fort van Bangkok tydens die Beleg van Bangkok in 1688.[1]

Thonburi (Thai: ธนบุรี) is 'n deel van moderne Bangkok. In die tyd van die Koninkryk Ayutthaya het sy ligging aan die westeroewer (regterkant) by die mond van die Chao Phrayarivier dit 'n belangrike garnisoendorp gemaak. Dit word in die naam weerspieël: thon (ธน), "rykdom", en buri (บุรี), "fort".[2]

Geskiedenis[wysig | wysig bron]

In 1767, ná die verwoesting van Ayutthaya deur die Birmane, het generaal Taksin Thonburi terugverower en dit die hoofstad van die Koninkryk Thonburi gemaak, met homself as koning. Hy is op 6 April 1782 onttroon. Rama I, die nuwe koning, het die hoofstad na die oorkant die rivier geskuif, waar hy die stad Bangkok op 21 April 1782 amptelik gestig het.[3]:p.14 Thonburi het 'n onafhanklike dorp en provinsie gebly tot in 1971, toe dit met Bangkok versmelt is.[4]

Thonburi het minder ontwikkel gebly as die oorkant van die rivier. Baie van die tradisionele waterweë, of khlongs, bestaan nog daar, terwyl hulle nie meer aan die ander kant van die rivier voorkom nie. In 1950 het Bangkok sowat 1,3 miljoen inwoners gehad en die munisipaliteit Thonburi sowat 400 000. In 1970 was Thonburi Thailand se tweede grootste stad, met sowat 600 000 inwoners.

Verwysings[wysig | wysig bron]

  1. Jean Vollant des Verquains History of the revolution in Siam in the year 1688, in Smithies 2002, p.95-96
  2. Turner, Sir Ralph Lilley (1985) [London: Oxford University Press, 1962-1966.]. "A Comparative Dictionary of the Indo-Aryan Languages". Includes three supplements, published 1969-1985. Digital South Asia Library, a project of the Center for Research Libraries and the University of Chicago. pp. 384 and 469. Besoek op 5 Augustus 2013.
  3. Barrett, Kenneth (2013). "Introduction". 22 Walks in Bangkok (PDF). Singapoer: Tuttle. p. 12. ISBN 9781462913800. Geargiveer vanaf die oorspronklike (PDF 2.5MB 36 pp. ebook sample) op 2014-08-10. Besoek op 2014-07-27.
  4. ประกาศของคณะปฏิวัติ ฉบับที่ ๒๔ (PDF). Royal Gazette (in Thai). 88 (144 ก): 816–819. 1971-12-21.

Skakels[wysig | wysig bron]