Thraciese Dinastie
| Thraciese Dinastie | |
|---|---|
| Tydperk | 457-518 n.C. |
| Ook bekend as | Huis van Leo |
| Keisers | Leo I Leo II Zeno Basiliscus Anastasius |
| Voorganger | Dinastie van Theodosius |
| Opvolger | Justiniaanse Dinastie |
Die Thraciese Dinastie of Huis van Leo het van 457 tot 518 n.C. oor die Oos-Romeinse Ryk regeer. Die dinastie is gestig deur keiser Leo I, ’n offisier wat deur die hoof van die leër gekies as keiser ná keiser Marcianus se dood. Hy was die eerste Bisantynse heerser wat deur die Patriarg van Konstantinopel gekroon is.
Hy is opgevolg deur sy kleinseun, Leo II, die seun van sy dogter Ariadne en haar man, Zeno. Hy het eers "caesar" geword en in 473 medekeiser. Met Leo I se dood in 474 het die sewejarige keiser geword. Hy het sy pa as medekeiser en regent gekroon en is kort daarna oorlede. Zeno was toe die alleenheerser.
Zeno is deur Basiliscus, ’n generaal en swaer van Leo I, onttroon in ’n opstand omdat hy ongewild was. Basiliscus is egter eindelik deur Zeno verslaan en laasgenoemde se bewind is herstel.
Ná Zeno se dood in 491 is Anatasius, ’n paleisamptenaar, deur die keiserlike weduwee Ariadne as haar man en die nuwe keiser gekies. Hy is in 518 sonder kinders dood en is opgevolg deur Justinus I, ’n offisier wat deur die leër en volk verkies is. Dit was die begin van die Justiniaanse Dinastie.
Keisers van die Thraciese Dinastie
[wysig | wysig bron]- Leo I – 457–474
- Leo II – 18 Januarie 474 – 17 November 474
- Zeno – 9 Februarie 474 – 9 Januarie 475
- Basiliscus – 9 Januarie 475 – Augustus 476
- Zeno – Augustus 476 – 9 April 491
- Anatasius – 11 April 491 – 9 Julie 518