18 Januarie
Jump to navigation
Jump to search
| << | Januarie 2019 | >> | ||||
| So | Ma | Di | Wo | Do | Vr | Sa |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
| Al die dae | ||||||
18 Januarie is die agtiende dag van die jaar in die Gregoriaanse kalender. Daar volg nog 347 dae in die res van die jaar (348 in skrikkeljare).
Gebeure[wysig | wysig bron]
- 336 – Pous Markus volg Pous Silvester I op.
- 350 – Generaal Magnentius (’n Frank) verdryf keiser Konstans I uit Rome en maak hom dood.
- 1460 – Pous Pius II publiseer die wetsontwerp “Execrabilis” wat appél teen pouslike besluite na ’n konsilie verbied.
- 1562 – Pous Pius IV heropen die konsilie van Trente.
- 1848 – Die Montagupas word geopen.
- 1871 – Frans-Duitse Oorlog: Die Pruisiese koning, Wilhelm I, word in die kasteel van Versailles tot keiser van die Duitse Keiserryk verklaar.
- 1902 – Tweede Vryheidsoorlog: Kommandant Gideon Scheepers word naby Graaff-Reinet voor 'n vuurpeloton tereggestel nadat hy deur 'n Britse krygshof skuldig bevind is op aanklagte van moord, brandstigting en die vernietiging van treine.
- 1985 – Bouwerk begin aan die Hugenotetonnel.
- 1989 – Pres. P.W. Botha word in die hospitaal opgeneem ná ’n hartaanval, en een van Japan se grootste elektrisiteitsmaatskappye, Kioesjoe, vervang Suid-Afrika as voorsiener van uraan uit protes teen apartheid.
- 1991 – Uitspraak word gelewer in die saak van lt.genl. Lothar Neethling teen die Vrye Weekblad en die Weekly Mail, en daar word bevind dat polisie moordbendes bestaan en dat Neethling gif aan Dirk Nel verskaf en die hof en die Harms kommissie mislei het.
Geboortes[wysig | wysig bron]
- 1689 – Charles Montesquieu, Franse skrywer († 1755).
- 1838 – Daantjie van den Heever, Hollandse taalstryder en lid van die Kaapse Parlement († 1903).
- 1854 – Thomas A. Watson, Amerikaanse uitvinder († 1934).
- 1882 – A.A. Milne, Britse skrywer († 1956).
- 1905 – Joseph Bonanno, Amerikaanse bendeleier († 2002).
- 1925 – Gilles Deleuze, Franse filosoof († 1995).
- 1933 – John Boorman, Brits-Ierse regisseur.
- 1937 – John Hume, Noord-Ierse politikus en ontvanger van die Nobelprys vir Vrede (1998).
- 1944 – Paul Keating, Australiese staatsman, Eerste Minister van Australië.
- 1944 – Graham McIntosh, Suid-Afrikaanse politikus.
- 1946 – Joseph Deiss, Switserse politikus.
- 1946 – Jakes Gerwel, Suid-Afrikaanse akademikus, politikus en sakeman († 2012).
- 1949 – Philippe Starck, Franse kunstenaar.
- 1955 – Kevin Costner, Amerikaanse akteur.
- 1955 – Marilyn Mazur, Deense jazz-musikant.
- 1970 – Rocco de Villiers, Suid-Afrikaanse pianis.
- 1978 – Katja Kipping, Duitse politikus.
- 1983 – Caroline Wöstmann, 'n Suid-Afrikaanse ultra-atleet
Sterftes[wysig | wysig bron]
- 474 – Leo I, keiser van Bisantium (* 401).
- 1677 – Jan van Riebeeck, Nederlandse seevaarder (* 1619).
- 1862 – John Tyler, Amerikaanse staatsman, tiende President van die Verenigde State (* 1790).
- 1917 – Andrew Murray, Suid-Afrikaanse predikant en skrywer (* 1828).
- 1936 – Rudyard Kipling, Britse skrywer (* 1865).
- 1943 – Johannes Egbertus Vixseboxse, Nederlands-gebore Suid-Afrikaanse argitek en bouaannemer (* 1863).
- 1954 – Sydney Greenstreet, Britse akteur (* 1879).
- 2003 – Richard Crenna, Amerikaanse akteur (* 1927).
- 2006 – Anton Rupert, Afrikaanse entrepreneur, sakeleier en omgewingsbewaarder (* 1916).
- 2017 – Peter Henry Abrahams, Suid-Afrikaanse romanskrywer, digter, joernalis en politieke kommentator (* 1919).
- 2018 – Lucas Mangope, Suid-Afrikaanse politikus en voormalige president van die "onafhanklike" Bantoestan Bophuthatswana (1977–1994) (* 1923).
Vakansie-, vierings- en waarnemingsdae[wysig | wysig bron]
| Wikimedia Commons bevat media in verband met 18 January. |