Toutologie (stylfiguur)

in Wikipedia, die vrye ensiklopedie
Spring na: navigasie, soek

'n Toutologie (afkomstig van die Griekse woord ταυτολογία, tauto logos, wat dieselde woord beteken) is die benadrukking van 'n woord met 'n ander woord, waarvan die betekenis so goed as dieselde is. Dit kom meer dikwels voor as 'n taalfout as 'n stylfiguur, maar in die eersgenoemde geval is daar sprake van versteende gebruik. Vele vaste uitdrukkings is dan ook toutologieë. Ook kan 'n toutologie soms meewerk om 'n gevoel te versterk, en toutologieë word nie as foutief beskou wanneer dit sodanig aangewend word nie.

Min of meer versteende toutologieë is onder meer:

  • gratis en vir niks
  • een en dieselfde
  • leuens en bedrog
  • lis en bedrog
  • geheel en al
  • vas en seker
  • gewis en waaragtig
  • nooit of te nimmer
  • vir ewig en altyd
  • oor en uit
  • uitklaar

Voorbeelde van (steeds) onversteende uitdrukkings, en daarom aanduibaar as foutief, sou die volgende insluit:

  • netjies en versorg
  • alreeds
  • nooit niks
  • vuil en smerig
  • bly en verheug
  • vrolik en bly
  • identies dieselde
  • eensaam en alleen
  • maar en egter (Byvoorbeeld: "...maar ons merk egter niks op nie.")
  • want en immers (Byvoorbeeld: "Ek neem 'n drankie, want ek is immers dors.")

Verwante begrip[wysig]