Turaida

in Wikipedia, die vrye ensiklopedie
Spring na: navigasie, soek
Turaida
Die kerk van Turaida
Die kerk van Turaida
Ligging van Turaida op 'n kaart (Letland)
Turaida
Turaida
Koördinate: 57°11′N 24°50′O / 57.183°N 24.833°O / 57.183; 24.833Koördinate: 57°11′N 24°50′O / 57.183°N 24.833°O / 57.183; 24.833
Land Vlag van Letland Letland
Historiese landskap Lyfland
Streek Siguldas novads
Tydsone OET (UTC+2)
 - Somer (DST) OEST (UTC+3)

Turaida (Duits: Treyden of Treiden, selde Thoraida) is 'n klein nedersetting en voormalige landgoed aan die oewer van die Gauja-rivier en is sedert 1953 deel van die die stad Sigulda, Letland. Die naam beteken "Tuin van God". Die stadsdeel staan veral bekend vir die gelyknamige kasteel bo-oor die Gauja-vallei. Daar is ook ´n gelyknamige dorp met die naam Turaida in die distrik van Krimulda.

Geskiedenis[wysig | wysig bron]

Die kasteel Turaida, soos gesien vanuit die poort
Die toring met 'n hoogte van 30 m bied 'n uitsig oor die kasteel se binnehof en die vallei van die Gauja-rivier

Op bevel van aartsbiskop Albert van Riga het biskop Philipp von Ratzeburg in 1214 die kasteel Fredeland op die bouvalle van die Lyfse hoof Kaupo se ou houtvesting laat bou. Kaupo het 'n bondgenoot van die Duitse Orde geword en word in Letlandse legendes as "volksverraaier" beskryf.

Die nuwe kasteel, wat later herdoop is tot Treyden (Lets: Turaida), was een van die grootstes van sy soort in Lyfland en het ook as 'n soort teengewig teen die Swaardbroederorde se vesting aan die teenoorliggende oewer gedien.[1]

Die kasteel was vervolgens deurgaans bewoon totdat dit in 1776 deur 'n brand vernietig is. Slegs die toring het gespaar gebly. Die kasteel word sedert 1953 gerekonstrueer en is tans met sy museum (wat die geskiedenis van die Lywe, die inheemse Fins-Oegriese bevolking behandel en argeologiese vondse uit die tyd van Kaupo vertoon), park, skulpturetuin, houtkerk en enkele gerekonstrueerde plaashuise uit die 18de en 19de eeu 'n gewilde bestemming vir in- en uitheemse besoekers. Die kasteelterrein kan ook met Letland se enigste kabelspoor vanuit Sigulda bereik word.

Verwysings[wysig | wysig bron]

Eksterne skakels[wysig | wysig bron]