Tussenganger

in Wikipedia, die vrye ensiklopedie
Jump to navigation Jump to search

'n Tussenganger is 'n derde party wat bemiddelingsdienste aan twee handelspartye bied. Die tussenganger tree op as 'n geleibuis vir goedere of dienste wat deur 'n verskaffer aan 'n verbruiker gelewer word. Die tussenganger bied dus toegevoegde waarde aan die transaksie wat dalk nie deur direkte handel moontlik kan wees nie.

Algemene gebruik sluit die versekerings- en finansiële diensbedryf in waar bv. verbandmakelaars, versekeringsmakelaars en finansiële adviseurs bemiddelingsdienste vir die verskaffing van finansiële produkte soos verbandlenings, versekering en beleggingsprodukte bied.

In die reg kan tussengangers kommunikasie tussen 'n kwetsbare getuie, die beskuldigde en hofpersoneel bevorder om die beste getuienis te verkry en om te verseker dat alle partye 'n regverdige verhoor kry.

In ruilhandel is die tussenganger 'n persoon of groep wat waardevolle handelsartikels bewaar totdat dit benodig word, die handelspartye of ander beskikbare plek het om dit te ontvang en te bewaar, of totdat ander voorwaardes nagekom is. In 'n wyer perspektief kan 'n tussenganger 'n persoon of organisasie wees wat 'n kontrak tussen twee partye bewerkstellig.

Die Internet is besig om 'n deursigtige bewustheid te skep oor die gevare en geleenthede om tussengangers in baie nywerhede te outomatiseer.

Soorte[wysig | wysig bron]

Tussengangers kan as handels- of rekenmeestertussengangers geklassifiseer word. Bailey en Bakos (1997) het 'n getal gevallestudies ontleed en vier rolle van elektroniese tussengangers geïdentifiseer, nl. dié van die versameling van inligting, die wek van vertroue, fasilitering en passing.[1][2]

Verwysings[wysig | wysig bron]

  1. Bailey, J. P., & Bakos, J. Y. (1997).
  2. An Exploratory Study of the Emerging Role of Electronic Intermediaries, berkeley.edu