Tzipi Hotovely

in Wikipedia, die vrye ensiklopedie
Tzipi Hotovely
ציפי חוטובלי
Tzipi Hotovely
Tzipi Hotovely in 2018

Minister van Gemeenskapssake
Ampstermyn
17 Mei 2020 – 2 Augustus 2020

Minister van Diasporasake
Ampstermyn
21 Januarie 2020 – 17 Mei 2020

Adjunk-minister vir Buitelandse Sake
Ampstermyn
19 Mei 2015 – 21 Januarie 2020

Adjunk-minister vir Wetenskap, Tegnologie en Ruimte
Ampstermyn
29 Desember 2014 – 14 Mei 2015

Adjunk-minister vir Vervoer en Verkeersveiligheid
Ampstermyn
19 Maart 2013 – 14 Mei 2015

Lid van die Knesset
Ampstermyn
24 Februarie 2009 – 5 Julie 2020

Persoonlike besonderhede
Gebore 2 Desember 1978 (1978-12-02) (45 jaar oud)
Rehovot, Israel
Politieke party Likoed
Kind(ers) 3
Alma mater Bar-Ilan-Universiteit
Tel Aviv-Universiteit
Religie Judaïsme

Tzipora (Tzipi) Hotovely, Hebreeus: צפורה (ציפי) חוֹטוֹבֵלי , (gebore 2 Desember 1978 in Rehovot) is 'n voormalige Israelse politikus wat aan die Likoed-party behoort. Sedert Augustus 2020 dien sy as Israel se eerste vroulike ambassadeur in die Verenigde Koninkryk.

Van Februarie 2009 tot Julie 2020 was sy 'n lid van die Knesset gewees. Sy was die jongste verkose lid van die 18de Knesset gewees. In Maart 2013 was sy aangestel as 'n adjunk-minister in die Netanyahu III-kabinet. In Mei 2015 was sy aangestel as adjunk-minister vir buitelandse sake in die Netanyahu IV-kabinet. In Januarie 2020 was sy in dieselfde kabinet aangestel as minister van diasporasake. In die Netanyahu-Gantz-kabinet was sy van Mei tot Augustus 2020 minister van gemeenskapssake gewees.

Hotovely het in die regte studeer aan die Bar-Ilan-Universiteit en die Tel Aviv-Universiteit. Verder het sy aan twee seminaries Judaïsme gestudeer. As student was sy 'n lid van die Wêreldunie van Joodse studente (World Union of Jewish Students) gewees en het sy 'n byeenkoms van die WUJS in Suid-Afrika bygewoon. Sy het ook 'n byeenkoms van die Wêreld Bnei Akiva, die grootste Sionistiese jeugorganisasie, in Parys bygewoon.

Sedert 2006 skryf sy rubrieke vir die Maariv-koerant. Ook tree sy op in politieke debatte op die Israelse televisie.

Sy het 'n regs-Judaïstiese oortuiging en is teen die stigting van 'n Palestynse staat.[1] Haar verkryging van 'n setel in die Knesset het sy as goddelike voorsienigheid beskou.[2]

Tzipi Hotovely is getroud en het in Rehovot gewoon. Haar ouers kom uit Georgië.

Verwysings[wysig | wysig bron]

Eksterne skakels[wysig | wysig bron]


Tzipi Hotovely met die Amerikaanse ambassadeur David M. Friedman (2017)