Uitdaging (laterale denke)

in Wikipedia, die vrye ensiklopedie
Jump to navigation Jump to search

Uitdaging is 'n tegniek in laterale denke wat gebruik word om beweging te bewerkstellig deur die aspek van 'n begrip/probleem wat gewoonlik as 'n vanselfsprekende/gegewe element van 'n onderwerp aanvaar word "uit te daag". 'n Mens kan byvoorbeeld na 'n maatskappy se bestuurstelsel kyk en dan kyk na wat tipies as vanselfsprekend aanvaar word. Daar word byvoorbeeld gewoonlik aanvaar dat daar 'n bestuurder moet wees. 'n Mens kan dan 'n uitdaging daarstel deur te sê: "Dié onderneming gaan geen bestuurders hê nie". Die uitdaging word dan ernstig oorweeg met die doel om beweging te bewerkstellig in terme van die gevestigde denkpatrone al is die eindresultaat van die nuwe denke nie noodwendig 'n bestuurstelsel waarin daar geen bestuurders is nie.