Unita

in Wikipedia, die vrye ensiklopedie
Spring na: navigasie, soek
União Nacional para a Independência Total de Angola
Unita
Logo van die betrokke party.
Unita se vlag

Leier Isaías Samakuva
Gestig 13 Maart 1966
Hoofkwartier Luanda, Angola
Jeugvleuel Revolusionêre Verenigde Jeug van Angola
Ideologie Konserwatisme[1]
Maoisme (voorheen)[2]
Internasionale affiliasie Centrist Democrat International
Webblad unitaangola.org
Jonas Savimbi, voormalige leier van die Unita

Unita (Portugees: União Nacional para a Independência Total de Angola) is die tweede grootste politieke party in Angola en 'n voormalige rebelleleër.

Unita is op 13 Maart 1966 deur Jonas Savimbi en Antonio da Costa Fernandes gestig. In 25 Desember van dieselfde jaar het die groep sy eerste aanval op die Portugese koloniale owerhede geloods. Savimbi was tot met sy dood in 2002 die leier van die party.

Tydens die Oorlog vir die onafhanklikheid van Cabinda (1961-1975) en die Angolese Burgeroorlog (1975-2002) het Unita teen die MPLA geveg. Tydens die oorlog het Unita militêre ondersteuning van die VSA en Suid-Afrika ontvang, terwyl die MPLA deur die Sowjetunie ondersteun is.

In 1992 het Savimbi aan die presidensiële verkiesing deelgeneem en 1 579 298 stemme (40,07%) verwerf. Tydens die parlementêre verkiesings van dieselfde jaar het die party 1 347 636 stemme (34,10%) gekry en sodoende 70 setels ingepalm.

Ná Savimbi se dood is hy deur Isaías Samakuva opgevolg. Unita het die gewapende stryd prysgegee en hulle op verkiesingspolitiek toegespits. Die party het 16 van die 220 setels in die parlementêre verkiesing van 2008 verower. In die algemene verkiesing op 31 Augustus 2012 het Unita sy seteltal verdubbel tot 32 toe hy 18,66% van die stemme verower het, vergeleke met die MPLA se 175 setels en 'n persentasie van 71,84. 'n Nuwe party, Casa-CE, het 6% van die stemme verower en agt setel gekry.

Verwysings[wysig | wysig bron]