Vertoningsprogrammatuur

in Wikipedia, die vrye ensiklopedie
Spring na: navigasie, soek

Vertoningsprogrammatuur is ’n programmatuurpakket wat gebruik word om inligting in die vorm van ’n skyfievertoning aan te bied. Dit het drie hooffunksies: ’n bewerker sodat teks ingevoeg en geformatteer kan word, ’n metode vir die invoeg en manipulering van grafiese beelde en ’n skyfievertoningstelsel om die inhoud weer te gee.[1]

Geskiedenis[wysig | wysig bron]

’n Vertoning wat d.m.v. vertoningsprogrammatuur aangebied word.

In die middel-1980’s het ontwikkeling in die rekenaarbedryf die manier waarop vertonings geskep is, verander. Goedkoop gespesialiseerde toepassings het dit vir menigeen met ’n rekenaar moontlik gemaak om professionele vertoningsgrafika te skep.

Hierdie programme is oorspronklik gebruik om 35 mm-skyfies te skep wat d.m.v. ’n skyfieprojektor vertoon sou word. Soos hierdie programme in die laat 1980’s meer algemeen geword het, is maatskappye geskep wat die vertonings op slapskywe ontvang het en òf skyfies geskep het, òf transparante gedruk het. In die 1990’s het toegewyde vloeikristalskerms, wat aan die projektor geheg kan word, die transparante begin vervang en teen die laat 1990’s is ook dit byna heeltemal deur videoprojektors vervang.

Die eerste kommersiële rekenaarprogrammatuur wat spesifiek ontwikkel is vir die skep van vertonings is in 1979 deur Hewlett-Packard ontwikkel en is aanvanklik BRUNO, en later HP-Draw, genoem. Die eerste programmatuur was ’n vertoning op ’n tuisrekenaarskerm vertoon het was VCN ExecuVision wat in 1982 ontwikkel is. Die program het gebruikers toegelaat om prentjies uit ’n versameling te kies om hul vertonings te verfraai.

Verwysings[wysig | wysig bron]

  1. (en) Rouse, Margaret (March 2011). "presentation software (presentation graphics)". WhatIs.com. Verkry op 25 May 2013.