Vilt

in Wikipedia, die vrye ensiklopedie
Spring na: navigasie, soek
'n Wolvesel in 'n elektronmikroskoop

Vilt is een van die oudste soorte tekstiel. Dit word gewoonlik van wol vervaardig.

Wolvesels het 'n geskubde oppervlak. Indien die wol verhit word, byvoorbeeld in warm water en geknie, sal die vesels se skubbe inmekaar gryp. Die stof krimp en word digter.[1]

Skotse vroue wat vilt vervaardig

Tot die 18de eeu het 'volders' of 'vollers' dit met die hand of eintlik met die voet gedoen. Die wol is in 'n bak warm water met urine en vollersaarde (byvoorbeeld bentoniet-klei) gedompel en dan met die voete bewerk. Die klei het die onsuiwerhede van die wol opgeneem.

Hierdie werk was swaar en vuil. Die bewerking het baie lank geduur. Spesiale liedjies is dikwels onder die werk gesing – op die Hebride byvoorbeeld die waulking songs – om die werk te veraangenaam.[2] Later is dit met 'n perde- of watermeul gedoen.

Verwysings[wysig | wysig bron]

  1. Felting – The Complete Guide Jane Davis Krause Publications, 2009, ISBN 1-4402-2352-1, ISBN 978-1-4402-2352-5
  2. Work Songs Ted Gioia Duke University Press, 2006, ISBN 0-8223-8768-9, ISBN 978-0-8223-8768-8 bls. 84