Vis (voedsel)

Vis word as voedsel verbruik deur verskeie spesies, insluitend die mens. Vis is 'n belangrike bron van proteïen vir mense dwarsdeur die geskiedenis. In kulinêre en visserykonteks, sluit die term vis ook skulpvis, soos weekdiere, skaaldiere en stekelhuidiges in.

Vars vis bied 'n goeie bron van hoë gehalte proteïen en bevat baie vitamiene en minerale. Dit kan beskou word as óf witvis, olierige of skulpvis. Witvis, soos skelvis en stokvis, bevat baie min vet (gewoonlik minder as 1%), terwyl olierige vis soos sardientjies, tussen 10-25% vet bevat. As gevolg van die hoë vetinhoud, bevat laasgenoemde 'n verskeidenheid van vetoplosbare vitamiene (A, D, E en K) en noodsaaklike vetsure, wat almal noodsaaklik is vir die gesonde funksionering van die liggaam.

Gesondheidsvoordele van die eet van vis

Navorsing oor die afgelope paar dekades het getoon dat die voedingstowwe en minerale in vis, en veral die omega 3-vetsure gevind in pelagiese visse, hart-vriendelik is en verbetering in breinontwikkeling en voortplanting kan veroorsaak. Dit het weereens die rol van visvoedsel in die menslike liggaam se funksies beklemtoon.

Graatjies

Die skelet van 'n vis word grate genoem, en die graatjies (die ribbes van die skelet) word as 'n groot ergernis gesien omdat hulle uit die mond verwyder moet word. As 'n graat in die keel bly vassteek, is dit 'n baie onaangename ervaring of prikkel. Deur te hoes of die welwillendheid deur iemand op sy rug te klop is 'n moontlike oplossing hiervoor.