Visuele Kunste-gebou UP

in Wikipedia, die vrye ensiklopedie
Spring na: navigasie, soek

Hierdie bruingeel siersteengebou, op die Hatfieldkampus van die Universiteit van Pretoria, toon invloede van die eenvoud van die Moderne styl en is tipies van die Pretoriase Baksteenargitektuur. Dit is tydens die oorlogsjare gebou om die nuutgestigte Departement Liggaamlike Opvoeding te huisves, en is amptelik op 8 Oktober 1948 geopen. As gevolg van die beperkings van die oorlog, moes boukoste so laag moontlik gehou word en die bou van die beplande swembad en sluitkassies het nooit gerealiseer nie. Sluitkassies is egter in 1952 geïnstalleer en in 1974 is ’n groter vleuel aangebou. Die gebou het oorspronklik uit twee gimnasiumsale, lesingsale en kantore bestaan. In 1982 het die Departement Liggaamlike Opvoeding na die nuwe Sportsentrum verhuis. Die gebou word tans deur die Departement Visuele Kunste beset. [1]

Verwysings[wysig | wysig bron]