Volhoubare Ontwikkelingsdoelwitte

in Wikipedia, die vrye ensiklopedie
VN Volhoubare Ontwikkelingsdoelwitte.

Die Volhoubare Ontwikkelingsdoelwitte (VOD’s) is ’n stel teikens wat verband hou met toekomstige internasionale ontwikkeling. Dit is deur die Verenigde Nasies geskep en word as die Globale Doelwitte vir Volhoubare Ontwikkeling bevorder. Dit het die Millennium-ontwikkelingsdoelwitte vervang wat aan die einde van 2015 verstryk. Die VOD’s is vanaf 2015 tot 2030 van krag. Daar is 17 doelwitte en 169 spesifieke teikens vir daardie doelwitte.[1]

Doelwitte[wysig | wysig bron]

In Augustus 2015 het 193 lande tot die volgende 17 doelwitte ingestem:[2]

  1. Geen armoede … Beëindig armoede oral in al sy vorme.
  2. Geen hongersnood … Beëindig hongersnood, verwesenlik voedselsekerheid en verbeter voeding, en bevorder volhoubare landbou.
  3. Goeie gesondheid … Verseker gesonde lewens en bevorder welstand vir almal op alle ouderdomme.
  4. Gehalteonderwys … Verseker inklusiewe en billike gehalteonderwys, en bevorder lewenslange leergeleenthede vir almal.
  5. Geslagsgelykheid … Verwesenlik geslagsgelykheid, en bemagtig alle vroue en meisies.
  6. Skoon water en sanitasie … Verseker die beskikbaarheid en volhoubare bestuur van water en sanitasie vir almal.
  7. Hernubare en bekostigbare energie … Verseker toegang tot bekostigbare, betroubare, volhoubare en moderne energie vir almal.
  8. Goeie werksgeleenthede en ekonomieë … Bevorder volgehoue, inklusiewe en volhoubare ekonomiese groei, ten volle en produktiewe indiensneming en behoorlike werk vir almal.
  9. Innovering en goeie infrastruktuur … Bou duursame infrastruktuur, bevorder inklusiewe en volhoubare industrialisasie, en kweek innovering.
  10. Verminder ongelykheid … Verminder ongelykheid binne en tussen lande.
  11. Volhoubare stede en gemeenskappe … Maak stede en menslike nedersettings inklusief, veilig, veerkragtig en volhoubaar.
  12. Verantwoordelike gebruik van hulpbronne … Verseker volhoubare verbruiks- en produksiepatrone.
  13. Klimaataksie … Tree dringend op om klimaatsverandering en die impak daarvan te beveg.
  14. Volhoubare oseane … Bewaar en gebruik die oseane, seë en marienehulpbronne volhoubaar vir volhoubare ontwikkeling.
  15. Volhoubare grondgebruik … Beskerm, herstel en bevorder die volhoubare gebruik van globale ekosisteme, bestuur woude volhoubaar, beveg woestynvorming, en voorkom en keer grondagteruitgang om, en voorkom die verlies aan biodiversiteit.
  16. Vrede en geregtigheid … Bevorder vreedsame en inklusiewe samelewings vir volhoubare ontwikkeling, voorsien toegang tot geregtigheid vir almal en bou doeltreffende, verantwoordbare en inklusiewe instellings op alle vlakke.
  17. Vennootskappe vir volhoubare ontwikkeling … Versterk die maniere waarop die globale vennootskap vir volhoubare ontwikkeling geïmplementeer kan word en dit kan herleef.

Notas[wysig | wysig bron]

  1. Technical report by the Bureau of the United Nations Statistical Commission (UNSC) on the process of the development of an indicator framework for the goals and targets of the post-2015 development agenda – working draft, https://sustainabledevelopment.un.org/content/documents/6754Technical%20report%20of%20th Geargiveer 4 Oktober 2015 op Wayback Machine e%20UNSC%20Bureau%20%28final%29.pdf , besoek 1 Mei 2015, Maart 2015.
  2. "The Global Goals For Sustainable Development". Global Goals (in Engels). Geargiveer vanaf die oorspronklike op 20 Junie 2020. Besoek op 2 September 2015.