Vrugbeginsel

in Wikipedia, die vrye ensiklopedie
Spring na: navigasie, soek
Die vroulike blom van die skorsie wat die stamper, saadknoppies en kroonblare wys. Die kroon- en kelkblare is bo die vrugbeginsel, en laasgenoemde is dus onderstandig.

Die vrugbeginsel in blomplante is deel van die vroulike voortpantingsorgane van die blom. Dit is spesifiek die deel van die stamper wat die saadknoppie(s) bevat en is bo, onder of in die middel van die blombodem (die basis van die kroonblare en kelkblare) geleë. Die stamper kan uit een vrugblaar of uit verskeie vrugblare bestaan. Bo die vrugbeginsel is die blomstyl en die stempel, die plek waar die stuifmeel land en ontkiem om deur die styl na die vrugbeginsel te groei. Elke individuele stuifmeelkorrel bevrug een individuele saadknoppie.

Vrugte[wysig | wysig bron]

’n Vrug is ’n ryp vrugbeginsel of vrugbeginsels – saam met saad – van een of meer blomme. Die vrug is verantwoordelik vir die verspreiding van die sade wat die vrugkiem bevat asook vir die beskerming van die sade.

Klassifikasie van die vrugbeginsel[wysig | wysig bron]

I bostandig. II halfonderstandig. III onderstandig. a meeldraadkrans. g stamper. p kroonblare. s kelkblare. r blombodem. Die aanhegtingspunt is waar a, p en s byeenkom.

Die terminologie van die posisie van die vrugbeginsel word bepaal deur die aanhegtingspunt, waar die ander blomdele (blomdek en meeldraadkrans) byeenkom en aan die oppervlak van die vrugbeginsel heg.[1] As die vrugbeginsel bo die aanhegtingspunt is, is dit bostandig; indien onder, is dit onderstandig.

Die term halfonderstandig word ook gebruik wanneer die vrugbeginsel half binne en half buite die blombodem lê.[2]

Verwysings[wysig | wysig bron]

  1. Soltis et al. (2003). “Evolution of Epigyny”. International Journal of Plant Sciences 164 (S5): S251–S264. doi:10.1086/376876.
  2. Soltis & Hufford (2002). “Ovary Position Diversity in Saxifragaceae”. International Journal of Plant Sciences 163 (2): 277–293. doi:10.1086/324528.