Vrugteslaai

in Wikipedia, die vrye ensiklopedie
Jump to navigation Jump to search

Vrugteslaai is 'n speletjie en word gewoonlik gespeel as 'n ysbreker by kampe of samekomste. Dit werk beter by groter groepe en kan deur enigiemand gespeel word - van jonk tot oud.[1]

Hoe die spel werk[wysig | wysig bron]

Al die lede van die groep, behalwe een, moet in 'n sirkel op stoele sit. Die persoon wat nie in die kring sit nie loop dan om die sirkel terwyl hy/sy name van vrugte in die mense se ore fluister. Elke persoon word net een vrug toegeken en moet dit dan onthou want jy word die vrug vir die duur van die speletjie. As die persoon aan almal 'n vrug toegeken het, roep hy/sy een van die vrugte uit. Almal aan wie daardie vrug gefluister is moet dan stoele ruil. Jy mag net nie met die persoon langs jou stoele ruil nie. Die uitroeper mag dan ook "Vrugteslaai" uitroep en dan moet almal stoele ruil. Die persoon wat die vrugte uitroep kan ook wanneer daar geruil word 'n stoel uit die kring haal en dan sodoende die kring verklein. Die persoon wat dan nie 'n stoel het nie, val dan uit. Dit mag dalk gevaarlik wees as daar stoele gebruik word wat skerp rande het, aangesien mense nogal geneig is om te jaag en vir stoele te spring.

Sien ook[wysig | wysig bron]

Verwysings[wysig | wysig bron]

  1. Fruit Salad Game, besoek op 11 Mei 2013