Vurkhyserdrywer Klaus – Die eerste Werksdag

in Wikipedia, die vrye ensiklopedie
Jump to navigation Jump to search
Vurkhyserdrywer Klaus – Die eerste werksdag
Regisseur Stefan Prehn, Jörg Wagner
Produksieleier Stefan Prehn, Jörg Wagner
Draaiboek Stefan Prehn, Jörg Wagner
Met
  • Konstantin Graudus as Klaus (Bersek)
  • Egon Hoegen as verteller
  • Gustav Adolph Artz as opleiers
  • Erik Rossbander as mes-Werner
  • Sönke Korres as Helmut, wat ineenstort
  • Douglas Welbat as hoorbeskerming-Paul
  • Jürgen Kossel as kettingsae-Rudi
  • Till Huster as Günther sonder hande
  • Dieter Dost as gehalveerde Herbert
  • Clarissa Schröter as sekretaresse
Musiek deur Laurent Lombard: Happyland
Kinematografie Mathias Lehmann
Redigeerder Andrea Stabenow
Uitgereik 2000
Speeltyd 9 minute
Land Duitsland
Taal Duits
Amptelike webtuiste
IMDb-profiel

Vurkhyserdrywer Klaus – Die eerste werksdag (Duits: Staplerfahrer Klaus – Der erste Arbeitstag) is 'n kortfilm uit die jaar 2000 oor die eerste werksdag van vurkhyserbestuurder Klaus Bersek. Die film is 'n parodie op beroepsveiligheidsfilms, in die vorm van 'n bloederige gruwelfilm. Die draaiboek en redaksie is deur Stefan Prehn en Jörg Wagner, en die hoofrol van Klaus word deur die akteur Konstantin Graudus vertolk. Die film is op 'n maatskappyperseel in Buchholz in der Nordheide geskiet en is gedeeltelik deur die filmstigting van Noordryn-Wesfale ondersteun.

Inhoud[wysig | wysig bron]

Die film is in die styl van die opvoedkundige veiligheidsfilms uit die vroeë 1980's en beeld op aanskoulike wyse die gevare van verkeerde hantering van 'n vurkhyser uit. Die agtergrondstem is deur Egon Hoegen, wat bekendheid verwerf het vir sy rol in die ernstige verkeersveiligheidsreeks Der 7. Sinn (Die 7de Sintuig).

Die hoofkarakter is Klaus, wat pas sy vurkhyserlisensie gekry het, en wat op sy eerste werksdag 'n klomp foute maak wat lei tot grusame ongelukke.

Terwyl klassieke opvoedkundige films beserings net suggereer, gebruik hierdie film die irrasionaliteit van 'n harlekynspel sowel as 'n bloederige gruwelfilm: arms en koppe word afgesny en mense word deur die vurkhyser se vurk deurboor. Alhoewel noodlottige beserings getoon word, is alle beseerdes buiten vurkhyserdrywer Klaus, wie se kop afgesny word, en 'n pakhuiswerker wat deur 'n kettingsaag in twee gesny word, nog by hulle volle bewussyn, wat hoogs onrealisties is.

Aan die einde van die film is daar 'n verwysing na die Western-genre, wanneer die vurkhyser met die onthoofde Klaus agter die stuur, en met twee pakhuiswerkers wat nog steeds deurboor is deur die vurk van die vurkhyser, en agtervolg deur 'n kettingsaag, die sonsondergang invaar.

Ontvangs[wysig | wysig bron]

Die film het vinnig 'n kultusrolprent geword. Dit het talle toekennings gewen en is in 2001 as 'n kompetisie-inskrywing op die Cannes-rolprentfees vertoon. Sedert 2003 is dit as 'n digitaal opgeknapte weergawe in DVD-formaat met bonusmateriaal beskikbaar.

Die kortfilm word dikwels as 'n komiese onderbreking getoon tydens die opleiding van vurkhyserbestuurders. Die Akademie van DEKRA, die Duitse motorvoertuigoorsigsliggaam het in 2005 op navraag van 'n televisieredaksie bevestig dat die film nie deel van sy opleidingsprogramme uitmaak nie.

Eksterne skakels[wysig | wysig bron]