Cannes-rolprentfees

in Wikipedia, die vrye ensiklopedie
Cannes-rolprentfees
Gestig  1946
Ligging  Cannes, Frankryk
Pryse  Palme d'Or, Grand Prix
Webtuiste festival-cannes.com

Die Cannes-rolprentfees (Frans: Festival de Cannes, tot in 2002 bekend as die Festival international du film) is ’n jaarlikse rolprentfees wat in Cannes, Frankryk, gehou word en rolprente van alle genres, insluitende dokumentêre, van oor die wêreld vertoon. Dit is in 1946 gestig. Dit word beskou as een van die invloedrykste rolprentfeeste in die wêreld en is een van dié wat die meeste publisiteit kry.[1][2][3] Die fees, waarvoor uitnodigings uitgestuur word, word gewoonlik in Mei by die Palais des Festivals et des Congrès gehou.

Die 2015-fees is van 13 tot 24 Mei 2015 gehou. Dheepan, ’n fliek wat deur Jacques Audiard van Frankryk geregisseer is, het die Palme d'Or (die hoogste prys) gewen.

Impak[wysig | wysig bron]

Die fees is een van die beste plekke vir die vertoning van Europese rolprente.[4] Nes op die Venesiese en die Berlynse Rolprentfees, bied Cannes lande die geleentheid om die beste voorbeelde van hul rolprente ten toon te stel.[4]

Die fees word ook deur baie sterre bygewoon en is ’n gewilde plek waar rolprentvervaardigers hul nuwe prente kan wys en hul werk aan wêreldwye verspreiders kan probeer verkoop.

Programme[wysig | wysig bron]

Die Cannes-rolprentfees word in verskeie afdelings aangebied:[5]

  • Die Amptelike Keuse – die hoofgebeure op die fees.
    • In Kompetisie – die 20 prente wat meeding om die Palme d'Or; hulle word in die Théâtre Lumière vertoon.
    • Un Certain Regard – 20 prente wat gekies word uit verre en nabye kulture; oorspronklike werke wat anders is – hulle word in die Salle Debussy vertoon.
    • Buite Kompetisie – hulle word ook in die Théâtre Lumière vertoon, maar ding nie om die hoofprys mee nie.
    • Spesiale Vertonings – ’n omgewing word vir dié prente gekies wat by hul identiteit pas.
    • Cinéfondation – sowat 15 kort- en mediumlengteprente van rolprentskole van oor die wêreld word in die Salle Buñuel vertoon.
    • Kortrolprente – die sowat 10 kortprente wat om die kortprent-Palme d'Or meeding, word in die Buñuel- en die Debussy-teater vertoon.
  • Parallelle Afdelings – niemededingende programme wat gewy word aan die ontdekking van ander aspekte van die rolprentwese.
    • Cannes Classics – dit vier die erfenis van rolprente en lê klem op werk van die verlede met nuwe of gerestoureerde afdrukke.
    • Tous les Cinémas du Monde – dit wys die diversiteit en lewendigheid van rolprente van oor die wêreld. Elke dag word een land genooi om ’n reeks prente te wys wat sy unieke kultuur en identiteit weergee.
    • Caméra d'Or – die beste prent van die fees word beloon; dit kom uit die Amptelike Keuse, die Directors' Fortnight en die International Critics' Week-keuses.
    • Cinéma de la Plage – die vertoning van Cannes Classics en Buitekompetisie-prente vir die publiek op Macé-strand.
  • Ander Afdelings – aangebied deur ander organisasies.
    • Directors' Fortnight – van 1969 af ’n vertoning vir die avant-garde.
    • International Critics' Week
    • ACID (Association for Independent Cinema and its Distribution)
  • Gebeure
    • Marché du Film – die besigste rolprentmark in die wêreld.
    • Meesterklasse – in die openbaar aangebied deur wêreldbekende rolprentmakers.
    • Vererings – internasionaal bekende kunstenaars word vereer met die Festival Trophee, gevolg deur die vertoning van een van hul werke.
    • Vervaardigersnetwerk – ’n geleentheid om internasionaal saam te werk.
    • Uitstallings – ’n kunstenaar, versameling werke of kinematografiese tema is elke jaar die fokus van ’n uitstalling wat die fees se programme illustreer.
    • 60ste Herdenking – gebeure van 2007 om die 60ste herdenking van die fees se ontstaan te vier.

Pryse[wysig | wysig bron]

Die Palme d'Or wat in 1979 aan Apocalypse Now toegeken is.

Die grootste prys by Cannes is die Palme d'Or ("Goue Palm") vir die beste rolprent.

  • Kompetisie
    • Palme d'Or – "Goue Palm"
    • Grand Prix – Groot Prys van die fees
    • Jurieprys
    • Kortprent-Palme d'Or – beste kortprent
    • Prix d'interprétation féminine – beste aktrise
    • Prix d'interprétation masculine – beste akteur
    • Prix de la mise en scène – beste regisseur
    • Prix du scénario – beste draaiboek
  • Ander afdelings
    • Prix Un Certain Regard – jong talent en innoverende werk
    • Cinéfondation-pryse – studenteprente
    • Caméra d'Or – beste eerste rolprent
  • Deur onafhanklike entiteite
    • Prix de la FIPRESCI – Internasionale Federasie van Rolprentresensente
    • Directors' Fortnight-pryse
    • Prix Vulcain – prys vir ’n tegniese kunstenaar
    • International Critics' Week-pryse
    • Prys van die Ekumeniese Jurie
    • François Chalais-prys
    • L'Œil d'or – beste dokumentêr
    • Trophée Chopard
    • Palm Dog – vir die beste vertoning deur ’n hond[6]
    • Queer Palm – vir LGBT-verwante prente.[7]

Verwysings[wysig | wysig bron]

  1. Dargis, Manohla. "Cannes International Film Festival". New York Times (in Engels). Geargiveer vanaf die oorspronklike op 28 Januarie 2016.
  2. Lim, Dennis (15 Mei 2012). "They'll Always Have Cannes". New York Times.
  3. Woolsey, Matt. "In Pictures: Chic Cannes Hideaways". Forbes (in Engels). Geargiveer vanaf die oorspronklike op 10 Mei 2020.
  4. 4,0 4,1 Forbes, Jill; Street, Sarah (2001). European Cinema: An Introduction. Londen: Palgrave Macmillan. ISBN 0-333-75210-4.
  5. "Cannes Festival website" (in Japannees). Geargiveer vanaf die oorspronklike op 6 Mei 2020.
  6. "Pixar pooch picks Up Cannes prize" (in Engels). BBC News. 22 Mei 2009. Geargiveer vanaf die oorspronklike op 5 Mei 2020. Besoek op 27 Mei 2009.
  7. "Transgender activist Pascale Ourbih on Cannes gay prize jury". On Top Magazine. 10 Mei 2010. Besoek op 24 Mei 2010.

Verdere leesstof[wysig | wysig bron]

  • Cannes: Fifty Years of Sun, Sex & Celluloid: Behind the Scenes at the World's Most Famous Film Festival deur Peter Bart (Miramax, 1997)
  • Cannes: A Festival Virgin's Guide deur Benjamin Craig (Cinemagine Media Publishing, 2004)
  • Hollywood on the Riviera: The Inside Story of the Cannes Film Festival deur Cari Beauchamp en Henri Behar (William Morrow & Co, 1992)
  • Hollywood in Canne$: The History of a Love-Hate Relationship deur Christian Jungen (Amsterdam University Press, 2014)

Eksterne skakels[wysig | wysig bron]