Wadi
'n Wadi (Arabies: وَادِي) is gewoonlik 'n droë rivierbedding in ’n dorre streek.[1] Soms kan water voorkom nadat swaar reën geval het.[2]
Beskrywing[wysig | wysig bron]
Wadi's word aangetref in stadig dalende, amper plat dele van woestyne. Dit is onderworpe aan plotselinge oorstromings, wat dikwels sediment agterlaat. Dié sediment kan 'n verskeidenheid materiaal bevat, van gruis tot modder, en daarom is wadisediment van die uiteenlopendste soorte woestynomgewings.
Woestynreisigers gebruik wadi's dikwels as trekroete, aangesien ondergrondse water dikwels in hulle voorkom en hulle staatmaak op plante wat hier voorkom, selfs in streke so droog soos die Sahara. Dit kan gebeur dat hulle deur 'n onverwagte vloed verras word.
Die verband tussen wadi's en water – en menslike lewe – in woestynomgewings het in die 1990's gelei tot die ontstaan van die veld wadihidrologie.[3]
Verwysings[wysig | wysig bron]
- ↑ "Wadi" in die HAT. Aanlyn by viva-afrikaans.org (intekening nodig). Besoek op 7 Oktober 2023.
- ↑ "Torrent valley". Insight on the Scriptures. Vol. 2: Jehova – Zuzim and Index. Watch Tower Bible and Tract Society of New York. 1988. p. 1115.
- ↑ Review of Wheater, Howard ; Al Weshah, Radwan, Hydrology of Wadi systems -IHP Regional Network on Wadi Hydrology in the Arab Region Geargiveer 24 Julie 2009 op Wayback Machine, UNESCO – Technical documents in hydrology vol 55, SC.2002/WS/33,(2002).
Skakels[wysig | wysig bron]
Wikimedia Commons het meer media in die kategorie Wadi.
Hierdie artikel is in sy geheel of gedeeltelik uit die Engelse Wikipedia vertaal.
