Weidingsindekswaarde

in Wikipedia, die vrye ensiklopedie
Rooigras is smaaklik en voedsaam en het dus 'n hoë weidingsindekswaarde.

'n Weidingsindekswaarde (WIW) is 'n getal wat uitdruk hoe waardevol 'n plantspesie is as weiding vir vee.

In die Nama-Karoo is daar drie indekswaardes wat gebruik word:

  • Die EIW: die ekologiese indekswaardes van Vorster (1982)
  • Die SWIW: die subjektiewe indekswaardes van Du Toit (1995)
  • Die LnregWIW: waardes bepaal deur 'n regressiemetode wat probeer om die subjektiewe waardes op 'n meer wetenskaplik-gefundeerde grondslag te plaas.

Hoë waardes van die indeks dui aan dat die spesie smaaklik en voedsaam vir die vee is. Die EIW is wetenskaplik gefundeerd, maar nie baie presies nie. Dit het net vier waardes 1, 4, 7 en 10 en dit is nie vir alle spesies bekend nie. Die SWIW is algemener, maar subjektief. Die LnregWIW probeer die voordele van beide saam te vat.[1]

Voorbeelde:

Spesie EIW SWIW LnregWIW Opmerking
Themeda triandra 10 9.30 6.81 Rooigras is 'n smaaklike gras
Eragrostis lehmanniana 7 5.4 3.24 Knietjiesgras is taamlik goed
Aizoon secundum 4 4.70 2.24 Vanwyksbossie is 'n vygie met matige voedsaamheid
Pteronia incana 1 2.70 1.54 T'kaibebos is 'n aromatiese en onsmaaklike struik
Elytropappus rhinocerotis 1 1.00 0.90 Renosterbos is oneetbaar

Verwysings[wysig | wysig bron]