Wikipedia:Skryfwedstryd 2015

in Wikipedia, die vrye ensiklopedie
(Aangestuur vanaf Wikipedia:Skryfwedstryd)
Spring na: navigasie, soek
Gnome globe current event.svg Die artikel of hierdie afdeling beskryf iets wat in die toekoms gaan plaasvind.
Die inligting mag spekulatief wees en is onderhewig aan nuwe verwikkelings.
Skryfwedstryd

Daar is tans 36 692 artikels in die Afrikaanse Wikipedia en jy kan ook deel wees van hierdie gemeenskap wat almal bydra om 'n wêreldklas-ensiklopedie te skep. Help ons om ’n Afrikaanse wêreldklas-ensiklopedie te skep. Wikipedia is in amper 300 tale beskikbaar, en Afrikaans is die grootste wiki in Suid-Afrika, aangesien die Engels as 'n internasionale wiki beskou word.

Die doel van hierdie kompetisie is om meer Afrikaanssprekende individue bewus te maak van Wikipedia en die voordele wat dit bied aan almal wat dit daagliks gebruik.

Wie kan deelneem?[wysig]

Alhoewel enige iemand kan bydra tot enige van die Wiki-projekte, is hierdie kompetisie spesifiek vir leerders op sekondêre en tersiêre vlak. Deelnemers kan individueel of in spanne van twee gebruikers hier inskryf, met vermelding van die artikel wat hulle wil skep of verbeter en hul gebruikersname. Daar word vereis dat alle deelnemers geregistreerde gebruikers moet wees. As u nog nie 'n gebruikersnaam op die wiki het nie, skep gerus een hier.

Waaroor kan ek skryf?[wysig]

Dis een van die wonders van Wikipedia. Jy kan oor enigiets skryf waarvan jy kennis besit. Onthou net dat Wikipedia 'n ensiklopedie is en sodoende artikels moet bevat wat feitlik korrek en betroubaar is. Jy kan gerus deur die artikels gaan wat huidiglik op die Afrikaanse wiki verskyn om 'n idee te vorm van hoe 'n artikel lyk en wat dit alles moet bevat. Deelnemers kan self kies aan watter artikel hulle vir die wedstryd wil werk. Die enigste vereiste is dat dit dit 'n nuwe artikel moet wees (een wat nog nie bestaan nie), of dat 'n saadjie ('n baie kort artikel) uitgebrei word. Kliek hier vir 'n lys van saadjies. Hierdie wedstryd geld alleen vir artikels en nie vir lyste, datumbladsye ens. nie. Slegs wysigings wat tydens die verloop van die wedstryd aangebring is sal in ag geneem word tydens die beoordeling.

As jou artikel reeds in 'n ander taal verskyn, kan jy dit óf vertaal óf 'n heeltemal nuwe artikel skryf. Sien bv. die Engelstalige artikel Cape Town, die Nederlandstalige artikel Kaapstad, die Afrikaanstalige artikel Kaapstad en die Franstalige artikel Le Cap. Hulle is nie van mekaar vertaal nie.

Waar kan ek 'n idee kry vir my artikel?[wysig]

As 'n beginpunt kan jy die Gesoekte Bladsye hulpbron raadpleeg vir artikels wat benodig word. Die bladsy bevat name wat reeds na verwys is in ander artikels maar wat nog nie self 'n artikel het nie. Verwys ook na die inligting onder "Waaroor kan ek skryf?"

Waar kry ek hulp[wysig]

Daar is baie gesoute bydraers hier op die Afrikaanse Wikipedia. As jy met enige iets vashaak, sal ons met graagte help. Jy kan jou vraag op die Geselshoekie plaas of selfs direk met ons in kontak tree. Ons kan help met proeflees, tegniese hulp en ondersteuning. Wanneer die kompetisie geloods word, sal daar meer inligting hieroor beskikbaar wees.

Beoordelaars[wysig]

Artikels sal beoordeel word deur 2 Afrikaanse gebruikers.

Wat kan ek wen?[wysig]

Daar is 3 pryse op die spel.

  • Beste artikel
  • Tweede beste artikel
  • Derde beste artikel

Beoordelingskriteria[wysig]

  1. Die inleiding. Die inleiding moet nie te lank wees nie, maar ook nie te kort nie. Dit moet 'n begryplike en volledige definisie asook 'n kort opsomming van die onderwerp bied.
  2. Die indeling of struktuur, waaronder die gebruik van opskrifte en paragrawe. Die struktuur is oorsigtelik, logies en/of handhaaf 'n natuurlike verloop; hoofsake word van bysake onderskei.
  3. Die uitleg. Die uitleg moenie te veel afwyk van die gebruiklike nie. Waar moontlik, behoort relevante beelde gebruik te word. Beelde, tabelle en/of grafieke word sover moontlik met 'n kort teks beskryf. Die uitleg moenie van die inhoud aflei deur 'n deurmekaar gebruik van beelde, sjablone of ander elemente nie.
  4. Die inhoud. By 'n goeie artikel is die inhoud neutraal en relevant ten opsigte van die onderwerp en veral so volledig as moontlik. Die inhoud moet voldoende wees om die onderwerp goed te dek, maar nie meer vertel as wat noodsaaklik is nie. Die inhoud moet ook nie dele bevat wat duidelik onensiklopedies is nie. Beelde, tabelle, sjablone en/of grafieke word slegs gebruik indien hulle relevant is tot die inhoud van die artikel.
  5. Die styl. Hieronder val leesbaarheid, grammatika, spelling, woordkeuse en sinsbou. Die taalgebruik is so veel moontlik op die algemene leser gerig: die Afrikaans wat die artikel besig is toeganklik vir die belangstellende, nie-gespesialiseerde leser met 'n gemiddelde algemene ontwikkeling.
  6. Die verifieerbaarheid. Omstrede bewerings in 'n artikel moet deur 'n bronvermelding ondersteun word. Die gebruikte (en vermelde!) bronne moet sover moontlik relevant en van toepassing wees op die onderwerp. Bronne moet ook betroubaar wees: die aantal bronne aangehaal is minder belangrik as die kwaliteit van die bronne.
  7. Ingewikkelde wikisintaks is nie 'n vereiste nie. Artikels wat nie van inligtingskaste of ingewikkelde tabelle voorsien is nie, sal nie daardeur benadeel word nie. So ook sal gebruikers nie voordeel trek uit die insluiting daarvan nie.

Inskrywings[wysig]

Inskrywings kan vanaf 1 Oktober 2015 hier geplaas word (kliek op "wysig bron" heelbo, langs die opskrif).

Wat wil ons bereik met die kompetisie?[wysig]

No Beskrywing Beoogde Statistieke
1 Aktiewe gebruikers betrokke 6
2 Nuwe gebruikers 20
3 Individue betrokke 30
4 Nuwe beelde / media 0
5 Nuwe artikels bygevoeg 20
6 Totale data bygevoeg 0

Wie ondersteun die kompetisie[wysig]

  1. Wikimedia België
  2. Beeld
  3. Maroela Media
  4. Viva
  5. Dagbreek Trust

Ander moontlike vennote[wysig]

  • Afrikaanse Taalmuseum
  • Afrikanerbond
  • ATKV
  • Beweging vir Christelik Volkseie Onderwys
  • Dameskring
  • Die Burger
  • Voortrekkers
  • FAK
  • Genootskap vir die Handhawing van die Afrikaanse Taal
  • Landsdiensbeweging
  • Rapportryersbeweging
  • SA Akademie vir Wetenskap en Kuns
  • SA Onderwysunie
  • SBA
  • KykNet
  • Viseker Versekering
  • Vriende van Afrikaans
  • Woordpoort
  • Beterafrikaans

Die Begroting[wysig]

Neem asseblief kennis dat hierdie slegs 'n voorlopige begroting vir die projek is, en onderhewig is aan verandering.


Beskrywing Fondse Benodig (ZAR)
Hoev Totaal (ZAR)
1.1 Bekendstelling en Uitreikaksies 1 10,000.00
1.2 Drukwerk, persmateriaal en kommunikasie 1 10,000.00
1.3 "Roadshows" 1 8,000.00
1.4 Buffer 1 7,500.00
1.5 Projek Bestuursfooi 1 7,500.00
1.6 Pryse 1 20,000.00
1.7 Beoordeling 1 12,000.00
Totaal 75,000.00