Wikipediabespreking:Skryfwedstryd 2015

in Wikipedia, die vrye ensiklopedie
Jump to navigation Jump to search

Hello aan al my Afrikaanse maters!

Wikimedia ZA wil graag hierdie jaar 'n Afrikaanse skryfkompetisie op die been bring - of ten minste die skryfkompetisie deel is huidiglik op die tafel. Die projek sal bestuur word deur myself en Gebruiker:Oesjaar.

Wikimedia Belgie het onderneem om ons te steun met enige projek wat Afrikaans bevorder en julle weet van die gesprekke wat Deon met die Beeld gehad het.

Omdat dit ons eerste poging is om iets vir Afrikaans te doen, sal ek enige terugvoer waardeer. Ek sal hieraan werk terwyl Deon en Douglas in Meksiko is.

Hier is 'n paar vrae op die lys op die oomblik :

  1. Sal ons dit net maak vir senior leerders (sekondere vlak)?
  2. Wat moet die onderwerp wees? Indien skoolgaande leerders, moet dit ooreenstem met 'n onderwerp in die Cirriculum?
  3. Hoe gaan ons die artikel beoordeel? Daar is huidiglik kriteria op Engelse artikels maar ek is nie seker of dit van toepassing sal wees op Afrikaans nie. Die meer gesoute bydraers sal dalk meer geskik wees om 'n artikel te beoordeel? Dit sal egter moet voldoen aan minimum vereistes.
  4. Moet die artikel noodwendig op Wikipedia verskyn, of sal 'n meer ervare persoon dit op Wikipedia laai? As ons hierdie manier volg dan motiveer ons nie regtig mense om by te dra tot Wikipedia nie.
  5. Wat se ondersteuning kan ons aan die deelnemers bied indien hulle direk op Wikipedia moet bydra?
  6. Sal werkswinkels in hierdie konteks van waarde wees?
  7. Is 'n skryfkompetisie 'n goeie idee of is daar iets waaraan iemand anders kan dink wat dalk beter sal werk as 'n eerste?
  8. Moet ons dit 'n landwyd kompetisie maak met 'n prys per provinsie en dan 'n nasionale wenner?

Ek sal enige terugvoer waardeer. Groete --Humetheresa (kontak) 11:06, 30 Junie 2015 (UTC)

Ek dink dit is 'n uitstekende idee. Miskien moet mens ook iets hê wat spesifiek studente teiken. Baie van die studente met wie ek praat is glad nie eers bewus van die Afrikaanse wiki nie, en as die moontlikheid bestaan om 'n sent of twee te maak sal dit hulle belangstelling prikkel. Dis natuurlik ook 'n uitstekende verskoning om advertensies op kampusse te gaan opplak. -- AHB (kontak) 14:01, 30 Junie 2015 (UTC)
My antwoorde:
Sal ons dit net maak vir senior leerders (sekondere vlak)?
Ja
Wat moet die onderwerp wees? Indien skoolgaande leerders, moet dit ooreenstem met 'n onderwerp in die Cirriculum?
Nee, enige iets waaroor hulle wil skryf.
Hoe gaan ons die artikel beoordeel? Daar is huidiglik kriteria op Engelse artikels maar ek is nie seker of dit van toepassing sal wees op Afrikaans nie. Die meer gesoute bydraers sal dalk meer geskik wees om 'n artikel te beoordeel? Dit sal egter moet voldoen aan minimum vereistes.
Watter kriteria verwys jy na? Het jy 'n skakel sodat ons dit kan sien?
Moet die artikel noodwendig op Wikipedia verskyn, of sal 'n meer ervare persoon dit op Wikipedia laai? As ons hierdie manier volg dan motiveer ons nie regtig mense om by te dra tot Wikipedia nie.
Ja, dit moet op Wikipedia verskyn en dus aan die verbonde vereistes voldoen.
Wat se ondersteuning kan ons aan die deelnemers bied indien hulle direk op Wikipedia moet bydra?
Proeflesing, tegniese hulp en ondersteuning.
Sal werkswinkels in hierdie konteks van waarde wees?
Miskien, maar klink nie vir my noodsaaklik nie.
Is 'n skryfkompetisie 'n goeie idee of is daar iets waaraan iemand anders kan dink wat dalk beter sal werk as 'n eerste?
Ek dink dis goed, solank dit duidelik is dat dit nie 'n storie is nie, maar 'n ensiklopediese artikel.
Moet ons dit 'n landwye kompetisie maak met 'n prys per provinsie en dan 'n nasionale wenner?
Wat is die alternatief?
Groete JCBrand (kontak) 14:40, 30 Junie 2015 (UTC)
Fantastiese nuus! Inligting oor ons vorige kompetisie is beskikbaar by Wikipedia:Skryfwedstryd. Groete. Frank (kontak) 16:27, 30 Junie 2015 (UTC)
Ek kan net byvoeg dat laas probeer is om leerders te kry om deel te neem, maar daar was op die ou end geen belangstelling nie. 'n Mens sal dus 'n goeie veldtog van stapel moet stuur om hulle betrokke te kry. Verder stem ek saam met JCBrand se antwoorde. Winston (kontak) 17:25, 30 Junie 2015 (UTC)
Mag ek voorstel dat hulle óf 'n saadjie uitbrei óf 'n nuwe artikel skryf. In elk geval moet ons sorg dat aangesien dit 'n kompetisie is, dit hul eie werk is. Martinvl (kontak) 20:40, 30 Junie 2015 (UTC)

Dankie aan Gebruiker:Humetheresa wat die bladsy onder sy sandput begin het. Net 'n paar voorstelle:

  1. Kan ons dalk vir sekondêre en tersiêre leerders maak?
  2. Die stelling, "Afrikaans is die tweede grootste wiki in Suid-Afrika" is omstrede. As dit nie vir internasionale gebruikers was wat die Engelse wiki opgedateer het nie, sou Afrikaans heel moontlik die grootste wiki gewees het.

Groete. Frank (kontak) 06:58, 8 Julie 2015 (UTC)

Baie goeie punt, ek gaan dit so bietjie timmer. --Humetheresa (kontak) 10:01, 8 Julie 2015 (UTC)

Afrikaanse Skryfkompetisie Vordering[wysig bron]

Baie dankie vir almal se terugvoer hiermee. Ek waardeer dit regtig baie. Ek het ook so pas 'n e-pos van Maroela Media ontvang wat ook bereid is om die projek te ondersteun, en ek weet Oesjaar het weer met Beeld gesels.

Hierdie skakel is die een waarna ek verwys in die vorige skrywe oor die kwaliteit van die artikel, maar ek het dit vervang met wat reeds op die bladsy verskyn wat julle voorheen opgesit het.

Ons het nie nodig om amptelik vir die Organisasie te vra vir befondsing nie want die geld is reeds deel van 'n groter projek waarvoor ons aansoek gedoen het. Ek sal dit baie waardeer as julle hierdeur kan gaan en enige voorstelle maak oor hoe ons die ding kan verbeter.

Net vir interessantheid, die sandput van julle is baie moeiliker om mee te werk as die Engelse een. Dit wil vir my lyk asof hy daai Visual Editor gebruik en ek kry eenvoudig nie die ding afgeskakel nie, seker ouderdom! Dankie almal, hoop dit gaan goed met ons vriend Oesjaar wat een van die dae ons Afrikaanssprekendes oor die water gaan verteenwoordig --Humetheresa (kontak) 09:28, 7 Julie 2015 (UTC)-

Mag deelnemers artikels uit 'n andere taal vertaal? As dit die geval is, mag ek voorstel dat die woorde "een wat nog nie bestaan nie" met die woorde "een wat nog nie in die Afrikaanse Wikipedia bestaan nie" verplaas word. Miskien sal dit help om die volgende sin by te voeg: "As jou artikel in 'n andere taal verskyn, is dit nie nodig om dit letterlik in Afrikaans te vertaal nie. Sien bv. die Engelstalige artikel Cape Town en die Afrikaanstalige artikel Kaapstad." Martinvl (kontak) 10:25, 7 Julie 2015 (UTC)
Die Afrikaanse Wikipedia se artikel oor Kaapstad is allesbehalwe 'n vertaling uit Engels - dit is ons eie oorspronklike werk. Net 'n opmerking. --Voyageur (kontak) 10:32, 7 Julie 2015 (UTC)
Dit is die rede waarom ek daardie artikel gekies het. Martinvl (kontak) 11:16, 7 Julie 2015 (UTC)
Ek vrees net jou formulering kan moontlik aanleiding gee tot misverstand - dit klink asof jy bedoel die artikel is 'n vrye vertaling van die Engelse inskrywing. --Voyageur (kontak) 11:24, 7 Julie 2015 (UTC)
Miskien kan ons skryf:
"As jou artikel in 'n andere taal verskyn, jy kan dit óf vertaal óf 'n heeltemal nuwe artikel skryf. Sien bv. die Engelstalige artikel Cape Town, die Afrikaanstalige artikel Kaapstad en die Franstalige artikel Le Cap. Hulle is nie van mekaar vertaal nie."
In elk geval moet die reëls presies sê of inskrywings 'n vertaling mag wees of nie. Martinvl (kontak) 11:48, 7 Julie 2015 (UTC)
Dit is 'n baie goeie punt. Ek gaan die bostaande sin byvoeg. Dankie vir die terugvoer.--Humetheresa (kontak) 09:57, 8 Julie 2015 (UTC)

Nog 'n paar vrae:

  • Wanneer is die sluitingsdatum vir die kompetisie?
  • Wanneer word die uitslae bekend gemaak?

Myns insiens behoort ons die kompetisie vroeër in die skooljaar te hou - November is eksamenmaand en dit is ook beter om die uitslae voor die einde van die skooljaar aan te kondig. As jy die datum "1 Oktober" uit die Engelse Wikipedia gekopieer het, onthou dat die skooljaar in die Noordelike Halfronde van 1 September na 31 Augustus duur met die somervakansie in Julie en Augustus. Martinvl (kontak) 17:52, 8 Julie 2015 (UTC)

Baie dankie Martinvl. Ek het sommer Oktobermaand uit my kop gekies maar glad nie onthou van die eksamentyd nie. Ons kan dit verander soos ons wil. Ons moet net voorsiening maak vir genoeg tyd om dit te adverteer, mense kans te gee om die artikel te skryf, vir beoordeling en dan die aankondiging van die wenner. Kan ek vra dat ons verder gesels op die amptelike metabladsy. Dan is alles op een plek. Ek gaan jou punt op daardie bladsy aanbring vir terugvoer van andere. --Humetheresa (kontak) 08:04, 9 Julie 2015 (UTC)

Die tydperk van die kompetisie[wysig bron]

Martinvl het 'n goeie punt geopper. Ons moet besluit wanneer die sluitingsdatum van die kompetisie gaan wees en wanneer die uitslae bekend gemaak gaan word. Ek het terloops Oktober gekies maar vergeet dat November eksamenmaand is. Wat sal julle voorstelle wees? --Humetheresa (kontak) 08:07, 9 Julie 2015 (UTC)

Inligting van WMF oor skryfkompetisies[wysig bron]

Sien https://meta.wikimedia.org/wiki/Grants:Evaluation/Program_Toolkits/Writing_and_Editing_Contests