William Hurt

in Wikipedia, die vrye ensiklopedie
William Hurt
'n Beeld van die betrokke persoonlikheid.
Hurt in 2005 by die Toronto-rolprentfees.

Geboortenaam William McChord Hurt
Geboorte 20 Maart 1950
Washington, DC, Verenigde State
Sterfte 13 Maart 2022 (op 71)
Portland, Oregon, Verenigde State
Nasionaliteit Amerikaanse
Aktiewe jare 1977-2022

William McChord Hurt[1][2] (20 Maart 1950-13 Maart 2022) was ’n Amerikaanse verhoog- en rolprentakteur. Hy het in die 1970's begin toneelspeel.

Loopbaan[wysig | wysig bron]

Hurt het sy rolprentdebuut in 1980 gemaak as ’n gekwelde wetenskaplike in die wetenskapsfiksieprent Altered States en het ’n Golden Globe-benoeming vir beste nuweling daarvoor gekry. Daarna het hy die manlike hoofrol teenoor Kathleen Turner gespeel in die neo-noir-prent Body Heat (1981).

In 1985 het hy groot lof en verskeie pryse ingepalm, onder meer ’n Oscar en ’n Bafta vir beste akteur vir sy rol as ’n gay man in Kiss of the Spider Woman. Hy het nog twee Oscar-benoemings gekry vir sy hoofrolle in Children of a Lesser God (1986) en Broadcast News (1987). Hy het deur die 1980's ook op die verhoog verskyn, onder meer in Off-Broadway-produksies soos Henry V, Fifth of July, Richard II en A Midsummer Night's Dream. Hurt het in 1985 sy eerste Tony-benoeming gekry vir die Broadway-produksie Hurlyburly.

Nadat hy in die volgende dekade uiteenlopende rolle gespeel het, het Hurt sy vierde Oscar-benoeming (vir beste manlike byspeler) gekry vir sy spel in die riller A History of Violence (2005). Ander noemenswaardige prente sluit in A.I. Artificial Intelligence (2001), The Village (2004), Syriana (2005), The Good Shepherd (2006), Mr. Brooks (2007), Into the Wild (2007), The Incredible Hulk (2008) en Robin Hood (2010).

Verwysings[wysig | wysig bron]

  1. "Doodsberig van Juliette Kitts". Geargiveer vanaf die oorspronklike op 24 Julie 2012. Besoek op 11 Februarie 2016.
  2. "Findacase". Geargiveer vanaf die oorspronklike op 7 Julie 2018. Besoek op 11 Februarie 2016.