Winterdriehoek

in Wikipedia, die vrye ensiklopedie
Jump to navigation Jump to search
Die Winterdriehoek, soos gesien uit Suid-Afrika.

Die Winterdriehoek (in die Noordelike Halfrond bekend as die "Somerdriehoek") is 'n eenvoudige, maar nogtans sigbare sterrepatroon of asterisme van drie sterre aan die sterrehemel.

Op winteraande is dit die opvallendste sterrepatroon aan die suidelike naghemel. Dit kan selfs in groter stedelike gebiede gesien word ondanks ligbesoedeling, asook deur ligte sluierwolke.

Die beeld bestaan uit die sterre

  • Vega, in die sterrebeeld Lier
  • Deneb, in die sterrebeeld Swaan
  • Altair (soms ook Atair genoem) in die sterrebeeld Arend

Navorsers glo die oudste bekende afbeelding van die Winterdriehoek kom in die grotskilderye van Lascaux, Frankryk, voor.