Yivli Minare-moskee
| Yivli Minare | ||
| ||
| Ligging | Antalya, Turkye | |
| Voltooi | 1230/1373 | |
| Spesifikasies | ||
| Minaret(te) | 1 | |
| Minarethoogte | 38 m | |
| Koepel(s) | 6 | |
| Materiale | Klip, stene | |
| Styl | Seldjoeks | |
Die Yivli Minare-moskee (letterlik: die "Geriffelde Minaret"-moskee), ook bekend as die Alaaddin- of Groot Moskee (Turks: Ulu Cami) in Antalya is ’n historiese moskee wat deur die Anatoliese Seldjoekse sultan Alaaddin Kaikobad I laat bou is. Dit is deel van ’n külliye (kompleks van verskeie strukture). Die moskee is in die ou middestad langs die Kalekapısı Meydanı. Die geriffelde minaret, die Yivli Minare, is versier met donkerblou teëls en is ’n landmerk en simbool van die stad.
Geskiedenis[wysig | wysig bron]
Die moskee is in 1230 tydens die bewind van sultan Alaaddin Kaikobad I die eerste keer gebou en in die 14de eeu verwoes. Dit is in 1373 heeltemal herbou en met sy ses koepels is dit een van die oudste voorbeelde in Anatolië van ’n gebou met meer as een koepel. Die minaret is 38 m hoog en is gebou op ’n vierkantige klipbasis. Dit het agt riffels en daar is 90 treetjies tot bo.
Vandag huisves dit die Antalya-etnografiemuseum en bevat klere, kombuisgereedskap, borduurwerk, matte, tapisserieë, ornamente en nomadiese tente. Dit is sedert 1974 vir die publiek oop.
Eksterne skakels[wysig | wysig bron]
- "Yivli Minaret Complex". Archnet. Geargiveer vanaf die oorspronklike op 7 Januarie 2019.
- Foto's van die moskee
Hierdie artikel is vertaal uit die Engelse Wikipedia
